საქართველოში ორდღიანი სამუშაო ვიზიტით ევროკავშირის საგარეო ქმედებათა სამსახურის წარმომადგენლები იმყოფებიან. 

თავდაცვის სამინისტროს ინფორმაციით, დღეს, დელეგაციის წევრები, კრიზისების მართვის დაგეგმვის დირექტორატის  უფროსის, გაბორი კლოდის ხელმძღვანელობით, თავდაცვის მინისტრის მოადგილემ, ლევან ღირსიაშვილმა მიიღო. 

უწყების ცნობით, შეხვედრაზე საუბარი საქართველოსა და ევროკავშირს შორის თანამშრომლობის თემას შეეხო. 

მხარეებმა 2015 წლის თანამშრომლობის გეგმა განიხილეს და თავდაცვის სფეროში პარტნიორობის მნიშვნელობას ხაზი გაუსვეს. საუბრის ერთ-ერთი თემა რეგიონში არსებული უსაფრთხოების გარემო და მნიშვნელოვანი გამოწვევები იყო. 

თავდაცვის სამინისტროში გამართულ შეხვედრას თავდაცვისა და შინაგან საქმეთა სამინისტროების, ასევე, სახელმწიფო უსაფრთხოებისა და კრიზისების მართვის საბჭოს წარმომადგენლები დაესწრნენ.

გარდა ამისა, საქართველოში ვიზიტის ფარგლებში ევროკავშირის საგარეო ქმედებათა სამსახურის წარმომადგენლები დავით აღმაშენებლის სახელობის ეროვნული თავდაცვის აკადემიასაც ესტუმრებიან, სადაც გაბორი კლოდი ევროკავშირის ერთიანი უსაფრთხოებისა და თავდაცვის პოლიტიკის შესახებ ლექციას წაიკითხავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს