მსოფლიო ეკონომიკური ფორუმის ვებ-გვერდზე გამოქვეყნებულ რუკაზე ე.წ. აფხაზეთი და "სამხრეთ ოსეთი" ცალკე ქვეყნების ჩამონათვალშია შეტანილი, - ამის შესახებ ინფორმაცის და დამადასურებელ რუკას საპარლამენტო უმცირესობის წევრი გიგი წერეთელი საკუთარ Facebook გვერდზე ავრცელებს.

როგორც "ექსპრესნიუსს" საგარეო საქმეთა სამინისტროს საზოგადოებასთან ურთიერთობის სამსახურში განუცხადეს, ეს რუკა ჯერ კიდევ 1 თვის წინ ნახეს და მსოფლიო ეკონომიკის ფორუმსაც დაუკავშირდნენ.

"ეს რუკა ჯერ კიდევ 1 თვის წინ ვნახეთ. მსოფლიო ეკონომიკის ფორუმსაც დავუკავშირდით. მათ განაცხადეს, რომ არც ორგანიზაციის ვებ-გვერდზე და არც ორგანიზაციის მიერ დაქვემდებარებულ რომელიმე ვებ გვერდზე, აღნიშნული რუკა გამოქვეყნებული არ არის. ეს რუკა დალინკა ერთ-ერთმა კერძო მომხმარებელმა ორგანიზაციის ღია ფორუმზე, თავის საკომენტარო სივრცეში. შესაბამისად მსოფლიო ეკონომიკურ ფორუმში განაცხადეს, რომ ეს მომხმარებლის კერძო კომენტარი, ორგანიზაციის პოზიციას არანაირად არ გამოხატავს და ისინი ვერ გააკონტროლებენ, რას დადებს მომხმარებელი. შესაბამისად ეს ინფორმაცია მცადირია და ეს რუკა მათ მიერ ვებ გვერდზე არ არის განთავსებული და მხოლოდ ფორუმზეა კომენტარის სახით", - განუცხადა "ექსპრესნიუს" საგარეო საქმეთა სამინისტროს პრეს-სამსახურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა