პარლამენტის თავჯდომარე დავით უსუფაშვილი ვენეციის კომისიის და ეუთოს წარმომადგენლებს შეხვდა. როგორც უსუფაშვილმა ჟურნალისტებს განუცხადა, კოლეგებს აუხსნა, რომ მაჟორიტარულიდან პროპორციულ საარჩევნო სისტემაზე გადასვლა არა 2020 წლისთვის, არამედ 2016 წლის შემდგომაა გათვალისწინებული:

„ანუ თუ მოხდება რიგგარეშე არჩევნები, ან სხვა რამ, ჩვენ 2016 წლიდანვე, ანუ შემოდგომის ბოლოდან გვექნება ახალი სისტემა, მაგრამ ამას სჭირდება გადაწყვეტილების მიღება. სამწუხაროდ, გადაწყვეტილების მიღებისთვის დრო ცოტა რჩება იმიტომ, რომ საკონსტიტუციო ცვლილების განხორციელებას სჭირდება 2 სესიაზე გადაწყვეტილების მიღება, ზაფხული ძალიან დატვირთული იქნება წინასაარჩევნო კამპანიით.

ასე რომ, იმედია, ჩვენი კოლეგები ოპოზიციიდან ბოლო ბოლო დაინახავენ იმის საჭიროებას და აუცილებლობას, რომ ჩვენს მიერ ინიცირებულ საკონსტიტუციო ცვლილებებს სჭირდება მხარდაჭერა, სანამ სულ გვიან არ არის და ყველაფერი თავიდან არ დაიწყება 2016 წლის შემდეგაც ისე, როგორც ეს ხდებოდა 25 წლის განმავლობაში, როდესაც მოახლოებული არჩევნების წინ იყო მცდელობა სისტემის შეცვლის, ეს ვერ ხერხდებოდა და სისტემა რჩებოდა უცვლელი. ამიტომ, ჩვენ უნდა გადავდგათ ნაბიჯები იმისთვის, რომ ეს გადაწყვეტილება მივიღოთ ახლა, რადგან ამ გადაწყვეტილების მიღება მერე არჩევნების შემდეგ იქნება ისეთივე რთული, როგორც ეს რთული აღმოჩნდა ახლა. ანუ, ცვლილება მაჟორიტარულიდან პროპორციულზე. თუ ამ მოსაზრებას 1 წელია არ იზიარებენ და თუ კიდევ არ გაიზიარებენ კოლეგები, მაშინ ამ რეალობაში დავრჩებით“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს