2024-05-13 01:05:55, 441 ნახვა
პოლიტიკა
ოპოზიციონერ პარლამენტარებს საკანონმდებლო ორგანოში არ უშვებენ
საპარლამენტო ოპოზიციის წევრებს საკანონმდებლო ორგანოში არ უშვებენ.
ევროოპტიმისტების წევრი, ხატია დეკანოიძე წერს, რომ მიზეზად "სამუშაო საათების დასრულებას" უსახელებენ.
"პარლამენტში არ შემიშვეს. სამუშაო საათები დასრულდაო.
პარლამენტის პრეს-ცენტრი შეუშვეს. როგორც ჩანს მართლა შიგნით ჰყავს ბიძინას გამოკეტილი ქოცები".
პარლამენტში არ შეუშვეს ნაციონალური მოძრაობის ლიდერი, ლევან ხაბეიშვილი.
"მე არ გამოვრიცხავ, რომ აქ ჰყავდეს ეს ხალხი დამწყვდეული ივანიშვილს, იმიტომ, რომ დამცირების ყველა ფორმაა გამოყენებული მათ მიმართაც", - ამბობს ხაბეიშვილი.
"ლელოს" წევრი საბა ბუაძე ამბობს, რომ "ოცნების" დეპუტატების ნაწილი ღამის გათევას პარლამენტში გეგმავენ და უკვე შენობაში არიან.
ოპოზიციის წევრის თქმით, მმართველი გუნდის წევრები "ღალატის მესამე მოსმენით" მიღებისთვის ემზადებიან.
ავტორი: ექსპრესნიუსი,
epn.ge (@expressnews.ge)
