2024-05-12 13:32:31, 611 ნახვა

---

პაპუაშვილის განცხადებით, „უცხოური გავლენის გამჭვირვალობის შესახებ“ კანონპროექტის მესამე მოსმენა პლენარულ სხდომაზე 14 მაისს გაიმართება

საქართველოს პარლამენტის თავმჯდომარის, შალვა პაპუაშვილის განცხადებით, საკანონმდებლო ორგანო "უცხოური გავლენის გამჭვირვალობის შესახებ" კანონპროექტს პლენარულ სხდომაზე მესამე მოსმენით 14 მაისს განიხილავს. 

ამის შესახებ პაპუაშვილმა მედიის წარმომადგენლებთან ისაუბრა.

"ხვალ იქნება იურდიულ საკითხთა კომიტეტში მესამე მოსმენით... რაც შეეხება პლენარულ სხდომაზე განხილვას, სამშაბათს იქნება პლენარულ სხდომაზე. საპარლამენტო უმრავლესობის პოზიცია ამ კანონპროექტზე ცნობილია",- თქვა პაპუაშვილმა.

შეგახსენებთ, 3 აპრილს, "ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ განაცხადა, რომ უმრავლესობა "უცხოური გავლენის გამჭვირვალობის შესახებ" კანონპროექტს პარლამენტში ხელახლა წარადგენდა. 8 აპრილს, კანონპროექტი ბიუროზე დაარეგისტრირეს, რის შემდეგაც პარლამენტმა მას პირველი და მეორე მოსმენით მხარი დაუჭირა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი