გარემოსა და ბუნებრივი დაცვის მინისტრი გიგლა აგულაშვილი ციხისძირში განვითარებულ მოვლენებს გამოეხმაურა.

როგორც მან მთავრობის სხდომის დასრულების შემდეგ ჟურნალისტებს განუცხადა, ციხისძირში მიმდინარე მოვლენებით ცალკეული პოლიტიკური პარტიები პოლიტიკური დივიდენტების დაწერას ცდილობენ.

„აქ ზოგადად ერთგვარი მცდელობაა, ატყდეს ქარიშხალი ჭიქაში და პოლიტიკური დივიდენტები დაიწეროს ცალკეულმა პოლიტიკურმა ძალებმა. ეს მცენარეები, რაზეც ლაპარაკია, არც ერთი არ არის წითელი ნუსხის მცენარე. ეს უნდა მოჭრილიყო, თავის დროზე ასე იყო დაგეგმილი იმ სანერგე მეურნეობაში , გადატანა გულისხმობს რომ ა წერტილიდან მცენარე უნდა გადავიდეს ბ წერტილში, თუ კითხვები ისმება იმასთან დაკავშირებით არის თუ არა სათანადო უნარები გადატანისას იმისთვის რომ არ გახმეს, მე ამ დისკუსიაში მზად ვარ ვისაუბრო სპეციალისტების თანდასწრებით, ხოლო თუ საერთოდ იმაზეა საუბარი, რომ ხე არ უნდა იქნას გადატანილი , ვფიქრობ რომ ეს ლეგიტიმური პოზიცია არ არის“, -განაცხადა აგულაშვილმა და დასძინა, რომ  მას  ყოფილი პერმიერმინისტრისგან  ბიძინა ივანიშვილისგან არანაირი დაკვეთა არ მიუღია:

„ვერ გავიგე, რა დაკვეთას ვასრულებ, რა დაკვეთა მივიღე, მე ვალაპარაკობ ერთი ხის გადატანაზე ა წერტილიდან ბ-ში და არ ვალაპარაკობ დამკვეთებზე და შემსრულებლებზე.  მე არც შეკვეთა მიმიღია, არც დამკვეთი ვიცი ვინ არის, ჩემი ინტერესების სფეროში არის ხე როგორ ცოცხლობდა ა წერტილზე და ცოცხლობდეს ბ წერტილში“, - განაცხადა აგულაშვილმა.

შეგახსენებთ, “პარტიზანი მებაღეები” და “ნაციონალური მოძრაობის” წევრები ციხისძირის ყოფილი სანერგე მეურნეობიდან ასწლოვანი ხეების გადარგვას აპროტესტებენ. მათ რამდენიმე დღის წინ კარვებიც გაშალეს და სადღეღამისო მორიგეობა დააწესეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს