23:56 - 27 May, 2024
ჩვენ შესახებ რეკლამა/ხელმოწერა
2024-04-01 15:09:23, 383 ნახვა

პოლიტიკა
კალაძე ე.წ. ვეტინგზე - საქართველოს გააჩნია კონსტიტუცია, კანონები - ყველამ კეთილი უნდა ინებოს და მათ პატივი სცეს

საქართველოს გააჩნია კონსტიტუცია, თავისი კანონები და ყველამ კეთილი უნდა ინებოს, პატივი სცეს მათ,- ამის შესახებ დედაქალაქის მერმა, კახა კალაძემ  მედიასთან საუბრისას განაცხადა, როდესაც მას ე.წ. ვეტინგის სისტემის საქართველოში დანერგვასთან დაკავშირებით კითხვა დაუსვეს. 

მისი თქმით, „ამ თემაზე ატეხილი ხმაური არის მიზანმიმართული მცდელობა, რომ კონკრეტულმა ძალებმა სასამართლო ხელისუფლებაზე კონტროლი დაიბრუნონ".  

„რადიკალურად, როგორც ცა და დედამიწა, ისე განსხვავდება წინა წლების, „ნაციონალური მოძრაობის“ დროს არსებული სასამართლო სისტემა დღევანდელისგან. ყველანაირი სტატისტიკით შეგვიძლია, მივიღოთ ამაზე პასუხი. პირდაპირ ვთქვათ, არსებობენ ძალები, რომელთაც აქვთ სურვილი, დაიქვემდებარონ სასამართლო, მოსამართლეები და ამ ყველაფერს მართავდნენ თავად. ყველაფერი ცხადია, ნათელია, ვიცით, როგორ მოქმედებს ქვეყნებში კამპანიების დაფინანსება, რა უდევს ამას საფუძვლად, რატომ კეთდება ეს ყველაფერი. ვფიქრობ, ქართველმა ხალხმაც ყველაფერი კარგად გააანალიზა, ყველაფერს კარგად ხვდება და არქმევს თავის სახელს.

საქართველოს გააჩნია კონსტიტუცია, თავისი კანონები, რომელსაც პატივს ვცემთ. ვართ სუვერენული სახელმწიფო, დამოუკიდებელი ქვეყანა. ჩვენმა წინაპრებმა იბრძოლეს იმისთვის, რომ ვიყოთ დამოუკიდებელი, სისხლი დავღვარეთ ამისთვის. პრინციპულად მნიშვნელოვანია, რომ სუვერენიტეტი შევინარჩუნოთ. საქართველო არ არის რომელიმე ქვეყნის გუბერნია ან შტატი, ჩვენ ვართ დამოუკიდებელი ქვეყანა, გვაქვს ჩვენი კონსტიტუცია. ყველამ კეთილი უნდა ინებოს, პატივი სცეს ამ ყველაფერს“,- განაცხადა კალაძემ. 




ავტორი: ექსპრესნიუსი,


სოციალური ქსელები
პაპუაშვილი ჰარისის წერილზე - ერთადერთი, ვინც მითითებას გვაძლევს კანონის მიღებაზე, ქართველი ხალხია
პაპუაშვილი - შეიკრიბა ყველა „ომის პარტია“ და აქვთ საერთო „ომის ქარტია“
ქედის კულტურის ცენტრში საბავშვო თეატრალური ჩვენება გაიმართა
„რუსული კანონით არ ვიცხოვრებთ!“ - 28 მაისს, პარლამენტთან აქცია გაიმართება

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics