„ქართული ოცნების“ ხელისუფლების პირობებში 10 მილიონ 600 ათასი სამედიცინო შემთხვევა აქვს დაფინანსებული სახელმწიფოს 11 წლის განმავლობაში, სოციალურად დაუცველ ოჯახებში თითოეულ ბავშვზე ყოველთვიური დახმარება 5-დან 200 ლარამდე გაიზარდა, პენსია შეადგენდა 100 ლარს - დღეს 320-დან 415 ლარის ფარგლებშია გეოგრაფიის მიხედვით, - ამის შესახებ პარლამენტის თავმჯდომარის მოადგილემ, არჩილ თალაკვაძემ „იმედი live”-ში განაცხადა.

„ჩვენ ვიცით, ვინც წარსულს ივიწყებს, იმას რა ემართება და ვის უნდა ეს წარსული რომ წაშალოს, ეგეც კარგად ვიცით, მაგრამ წარსულზე დიდ დროს არ დავკარგავ. უბრალოდ გეტყვით, რა გავაკეთეთ ჩვენ, რაც პირდაპირ აისახება ოჯახების ეკონომიკაზე და იმ ხარჯებზე, რაც ყოველდღიურად ჩვენს თანამოქალაქეებს აქვთ. 

მაგალითად, სოციალურად დაუცველ ოჯახებში თითოეულ ბავშვზე ყოველთვიური დახმარება გავზარდეთ 5-დან 200 ლარამდე. 5 ლარი იყო ხაბეიშვილის სანატრელ დროს და 200 ლარია დღეს თითო ბავშვზე დახმარება ჩვენი ხელისუფლების პირობებში.

პენსიები - როცა ჩვენ ჩავიბარეთ ხელისუფლება პენსია შეადგენდა 100 ლარს - დღეს 320-დან 415 ლარის ფარგლებშია გეოგრაფიიის მიხედვით ქვეყანაში პენსიები;

ჯანდაცვა - დღეს, 10 მილიონ 600 ათასი სამედიცინო შემთხვევა აქვს დაფინანსებული სახელმწიფოს ამ 11 წლის განმავლობაში. მონაცემები ავიღე სპეციალურად და საშუალოდ, თითო სამედიცინო შემთხვევა სახელმწიფოს მინიმუმ 1500 ლარი უჯდებოდა, თუმცა, არის  სამედიცინო ჩარევები და ოპერაციები, სადაც 10-20-30 ათასი ლარი და საზღვარგარეთ  კიდევ უფრო მეტი აქვს თითო შემთხვევაზე სახელმწიფოს დაფინასებული“,- განაცხადა არჩილ თალაკვაძემ.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა