კასპის მერი, საკრებულოს თავმჯდომარესა და ადგილობრივი თვითმმართველობის წარმომადგენლებთან ერთად, ოკამის სოფლების მოსახლეობას შეხვდა

2024-02-15 10:10:49, 894 ნახვა

რეგიონი

კასპის მუნიციპალიტეტის მერი ვახტანგ მაისურაძე, საკრებულოს თავმჯდომარე შოთა ბეგლარაშვილი და ადგილობრივი თვითმმართველობის წარმომადგენლები „სოფლის მხარდაჭერის პროგრამის“ ფარგლებში ოკამის ადმინისტრაციული ერთეულის სოფლების თეზის, ფემას, ოკამის და ჩანგილარის მოსახლეობას შეხვდნენ. აღნიშნულის შესახებ ინფორმაციას კასპის მუნიციპალიტეტის მერია ავრცელებს.

კასპის მერიის ცნობით, ადგილობრივი თვითმმართველობის წარმომადგენლებმა, ადგილობრივებთან ერთად სოფლებში არსებული საჭიროებების მოგვარებაზე და პროგრამის ფარგლებში განსახორციელებელ ძირითად პრიორიტეტებზე
იმსჯელეს.

„შეხვედრებზე, მოსახლეობის მიერ წარმოდგენილ საპროექტო წინადადებებს კენჭი ეყარა და ხმათა უმრავლესობით განსახორციელებელი პროექტებზე გადაწყვეტილებები მიიღეს.

პროგრამის ფარგლებში კასპის მუნიციპალიტეტში მოსახლეობასთან შეხვედრები 16 თებერვალს სრულდება”, - აღნიშნულია ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),