ქედაში, ძლიერი წვიმის შედეგად ათეულობით ლოკაციაზე მეწყრული პროცესები განვითარდა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, მუნიციპალიტეტში სტიქიის შედეგად დაზარალებული 100-მდე ოჯახი უსაფრთხო ადგილასაა გაყვანილი.

"ქედაში, ძლიერი წვიმის შედეგად ათეულობით ლოკაციაზე მეწყრული პროცესები განვითარდა.

მუნიციპალიტეტში სტიქიის შედეგად დაზარალებული 100-მდე ოჯახი გაყვანილია უსაფრთხო ადგილას, ამ ეტაპისთვის არცერთ მოქალაქეს საფრთხე არ ემუქრება.

დღეს დილიდან, აჭარის გეოლოგიური სამსახურის ორი ჯგუფი და მუნიციპალიტეტის "სტიქიის შედეგად დაზარალებული მოსახლეობის შემსწავლელი" კომისია განვითარებული მეწყერის შედეგად დაზარალებულ ოჯახებს და ტერიტორიებს სწავლობს.

ადგილზე მობილიზებულია ყველა სამსახური, მუშაობს საგანგებო სიტუაციების მართვის შტაბი. ინტენსიურ რეჟიმში მიმდინარეობს დამეწყრილი ლოკაციების გაწმენდითი სამუშაოები. ამ დროისთვის გაწმენდილია 30 მიმართულება და 10 მიმართულებით მიმდინარეობს სამუშაოები, რომელშიც საავტომობილო გზების დეპარტამენტის და ქედის კომუნალურ სერვისის ტექნიკაა ჩართული.

მუნიციპალიტეტის მერი როლანდ ბერიძე, პირველ მოადგილესთან, იმედა ვასაძესთან ერთად, სოფელ ვარჯანისში სტიქიის შედეგად დაზარალებულ მოსახლეობას შეხვდა", - აღნიშნულია ინფორმაციაში.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს