2024-01-11 14:03:26, 873 ნახვა
სამართალი
პოლონეთის სასაზღვრო სამსახური - პოლონეთში წითელი ცირკულარით ძებნილი საქართველოს მოქალაქე დავაკავეთ
პოლონეთში წითელი ცირკულარით ძებნილი საქართველოს მოქალაქე დააკავეს. აღნიშნულის შესახებ ინფორმაციას პოლონეთის სასაზღვრო სამსახური ავრცელებს.
სასაზღვრო სამსახურის ცნობით, 39 წლის მამაკაცი 9 იანვარს სასაზღვრო შემოწმებისას დააკავეს - მას ბრალი ქურდობასა და სხვისი ქონების უნებართვო გამოყენებაში ედება.
მათივე ცნობით, დაკავების ორდერი უკრაინული მხარის მიერ იყო გაცემული.
აღსანიშნავია, რომ პოლონეთის სასაზღვრო სამსახური არ აკონკრეტებს, მოხდა თუ არა დაკავებული მამაკაცის ექსტრადირება საქართველოში.
ავტორი: ექსპრესნიუსი,
epn.ge (@expressnews.ge)
