რუსმა ოკუპანტებმა 10 იანვარს, ღამით ხარკოვზე სარაკეტო თავდასხმა განახორციელეს. როგორც უკრაინული მედია ხარკოვის მერიასა და საოლქო-სამხედრო ადმინისტრაციზე დაყრდნობით იტყობინება, დაშავებულია, სულ მცირე, 11 ადამიანი.

საოლქო პროკურატურის მიერ Telegram-ზე გავრცელებული ინფორმაციის მიხედვით, დაშავებულთა შორის საქართველოს ერთი და თურქეთის ერთი მოქალაქეცაა. ისინი თურქულ მედიას წარმოადგენენ, თუმცა მედიასაშუალება დაკონკრეტებული არ არის.

ხარკოვის მერის, იგორ ტერეხოვის განცხადებით, რუსებმა სარაკეტო თავდასხმა განახორციელეს ქალაქის ცენტრში მდებარე სასტუმროზე, სადაც 30 სამოქალაქო პირი, მათ შორის ჟურნალისტები იმყოფებოდნენ. 

ხარკოვის ოლქის სამხედრო ადმინისტრაციის უფროსის, ოლეგ სინეგუბოვის თქმით, რუსეთმა იერიშისთვის S-300-ის ტიპის რაკეტები გამოიყენა.

სინეგუბოვის ინფორმაციით, დაშავებული 11 ადამიანიდან 31-დან 38 წლამდე 4 მამაკაცია და 23-დან 71 წლამდე 7 ქალი. დაშავებულთაგან 9 სამედიცინო დაწესებულებებშია გადაყვანილი, მათ შორის ერთის მდგომარეობა მძიმეა.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა