რუსეთის თავდაცვის სამინისტრო აცხადებს, რომ ოთხშაბათს ღამით, სარატოვის ოლქის ტერიტორიაზე უკრაინული დრონი ჩამოაგდეს. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" ავრცელებს.

როგორც გამოცემა წერს, უწყება "უკრაინის შეიარაღებული ძალების ქმედებას ტერაქტის მცდელობად აფასებს".

გუბერნატორ რომან ბუსარგინის თქმით, შემთხვევა ენგელსის რეგიონის ცაზე მოხდა.

მისივე ინფორმაციით, მომხდარის შედეგად არავინ დაშავებულა.

როგორც BBC-ის რუსულენოვანი სამსახური წერს, სარატოვის ოლქში, ქალაქ ენგელსის მახლობლად არის აეროდრომი, სადაც რუსული სტრატეგიული ბომბდამშენები არიან განლაგებული, რომლებიც უკრაინის წინააღმდეგ რაკეტებს უშვებენ.

"უკრაინის ლეგიტიმური ხელისუფლების მიერ კონტროლირებადი ტერიტორიიდან სარატოვის ოლქის საზღვრამდე, დაახლოებით, 500 კილომეტრია, ხოლო ქალაქ ენგელსის მახლობლად აეროდრომამდე 600 კმ-ზე მეტი",- წერს მედიასაშუალება.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა