ქართველმა ხალხმა დაიმსახურა კანდიდატის სტატუსი, ძალიან ბედნიერი ვარ, - ამის შესახებ ევროპარლამენტარმა, ანნა ფოტიგამ "მთავარ არხის" ეთერში განაცხადა.

როგორც ფოტიგა აღნიშნავს, ევორპარლამენტი უკრაინის, საქართველოს და მოლდოვის ევროპულ გზებს მხარს უჭერს.

"დარწმუნებული ვარ, რომ ეს ძალიან ბედნიერი დღეა ქართველებისთვის. მინდა გითხრათ, რომ მეც ძალიან ბედნიერი ვარ. რადგან, როგორც პოლონეთის საგარეო საქმეთა ყოფილი მინისტრი და შემდეგ პარლამენტის წევრი, მომსწრე ვარ ყველა ნაბიჯის, რომელსაც საქართველო დგამდა ევროპისკენ. ქართველმა ხალხმა დაიმსახურა კანდიდატის სტატუსი. მიმაჩნია, რომ ეს არის გარკვეული პროცესის დასასრული და ასევე სიმბოლური მომენტი. ჩვენი ქვეყნების სუვერენიტეტი და დამოუკიდებლობა აღდგა საბჭოთა კავშირის დანგრევის შემდეგ. საბედნიეროდ, ზოგიერთმა ყოფილმა საბჭოთა რესპუბლიკამ, როგორებიცაა ლიეტუვა, ლატვია და ესტონეთი ევროკავშირში გაერთიანება უფრო ადრე მოახერხა და ახლა კი სხვა ქვეყნების ჯერიც დადგა. უკრაინის, საქართველოს და მოლდოვის და ჩვენ მხარს ვუჭერთ ამ პროცესს", - განაცხადა ფოტიგამ.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას