მთავარი მადლობა მაინც ბიძინა ივანიშვილს ეკუთვნის, - ამის შესახებ ანტიდასავლური მოძრაობა "ხალხის ძალის" წარმომადგენელმა, დიმიტრი ხუნდაძემ საქართველოსთვის ევროკავშირის წევრობის კანდიდატი ქვეყნის სტატუსი მინიჭებაზე საუბრისას განაცხადა.

ხუნდაძის თქმით, აღნიშნულ შედეგის მისაღწევად მმართველი გუნდმა არც თუ ისე იოლი გზა გაიარა და ის, "როგორც რეკომენდაციების შესასრულებლად, ასევე ომისა და რევოლუციის თავიდან ასაცილებლად და პარალელურად "მოლოტოვის კოქტეილების" ჩასაქრობად იბრძოდა".

"მინდა, საქართველოს თითოეულ მოქალაქეს მივულოცო კანდიდატის სტატუსის მოპოვება. ასევე მინდა, მივულოცო უკრაინას და მოლდოვას. მმართველმა გუნდმა არც თუ ისე იოლი გზა გაიარა ამისთვის. ის იბრძოდა, როგორც რეკომენდაციების შესასრულებლად, ასევე ომისა და რევოლუციის თავიდან ასაცილებლად და პარალელურად 'მოლოტოვის კოქტეილების" ჩასაქრობად.

"ხალხის ძალა" ამ ბრძოლაში ვფიქრობ იყო ავანგარდში, ის არა მხოლოდ ომისა და რევოლუციის კონვეირს გადაუდგა წინ, არამედ მან გამოააშკარავა ოპოზიციის მხრიდან ცალ ფეხზე დგომის სურვილი და ჩვენ, სწორედ ამ ბრძოლაში, რომელიც არათუ უტოლდებოდა 2012 წლის ბრძოლას, ვფიქრობ, კიდევ უფრო რთული იყო, კონკრეტულად ჩვენი "ხალხის ძალის" წევრებისთვის, შევძელით, რომ მყარად, ღირსეულად და ორ ფეხზე დგომით და არა ცალ ფეხზე, როგორც ოპოზიცია სთავაზობდა საზოგადოებას, მოგვეპოვებინა ეს სტატუსი, მაგრამ თუ ბოლომდე მართლები ვიქნებით, რომ არა 2012 წლის საზოგადოებასთან ერთად მმართველი გუნდის გადაწყვეტილება, ვფიქრობ, რომ ქვეყანა დღესაც ცალ ფეხზე იდგებოდა და კიდევ ერთხელ ვამბობ - მოდი, ვიყოთ ბოლომდე გულწრფელები - რომ არა ბატონი ბიძინა ივანიშვილის მაშინდელი გადაწყვეტილება და მაშინდელი მისი მონაწილეობა პოლიტიკაში, დღეს ქვეყანას არავითარი პერსპექტივა არ ექნებოდა, ასე რომ მთავარი მადლობა მაინც მას ეკუთვნის", - განაცხადა ხუნდაძემ "რუსთავი 2-თან" საუბრისას.

შეგახსენებთ, გუშინ, 14 დეკემბერს ევროპულმა საბჭომ საქართველოს ევროკავშირის წევრობის კანდიდატი ქვეყნის სტატუსი მიანიჭა, ხოლო უკრაინასა და მოლდოვასთან გაწევრიანების მოლაპარაკებების გახსნის გადაწყვეტილება მიიღო. საბჭომ ასევე გადაწყვიტა, რომ ევროკავშირი დაიწყებს მოლაპარაკებებს ბოსნია-ჰერცეგოვინასთან მას შემდეგ, რაც ქვეყანა წევრობის კრიტერიუმებთან შესაბამისობის აუცილებელ ხარისხს მიაღწევს​.

ევროკომისიამ საქართველოსთვის სტატუსის მინიჭებაზე დადებითი რეკომენდაცია ევროპული საბჭოსთვის 8 ნოემბერს გასცა. საქართველომ ევროკავშირს წევრობის კანდიდატის სტატუსის მისაღებად 2022 წელს მიმართა. გასული წლის 3 მარტს, წევრობაზე საქართველოს ოფიციალურ განაცხადს პრემიერ-მინისტრმა, ირაკლი ღარიბაშვილმა მოაწერა ხელი.

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას