ვაკის მედიათეკაში საბავშვო ლიტერატურული პრემია „ნაკადულის" დაჯილდოების ცერემონიალი გაიმართა. ამის შესახებ ინფორმაციას თბილისის მერია ავრცელებს.

მერიის ცნობით, ჟიურიმ გამარჯვებულები გამოავლინა ოთხი ნომინაციაში:

საუკეთესო პროზაული წიგნი: „ბებე - მაწანწალების უფლისწული" - ავტორი თამრი ფხაკაძე (გამომცემლობა„პალიტრა L");

საუკეთესო პოეტური წიგნი: „კარგად ყოფნის წესები" - ავტორი თუთა ჯგუშია (გამომცემლობა „პალიტრა L");

საუკეთესო ილუსტრირებული წიგნი: „ნახევარქათამა" - ილუსტრატორი ვარლამ ჯმუხაძე (გამომცემლობა „არტანუჯი");

საუკეთესო საგანმანათლებლო-შემეცნებითი წიგნი: „ბახტრიონი" - ავტორი ნინო სადღობელაშვილი (გამომცემლობა „არტანუჯი").

თბილისის მერიის მხარდაჭერით დაარსებული პრემია „ნაკადულის" ორგანიზატორია თბილისის მულტიფუნქციური ბიბლიოთეკების გაერთიანება და საქართველოს წიგნის გამომცემელთა და გამავრცელებელთა ასოციაცია.

ღონისძიებას ესწრებოდა თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ხელმძღვანელი ირაკლი გვილავა.

მისი თქმით, თბილისის მერია გააგრძელებს პრემია „ნაკადულის" მხარდაჭერას.

„საბავშვო საგანმანათლებლო და სახელოვნებო პროექტების მხარდაჭერა იყო და იქნება თბილისის მერიის პრიორიტეტი.  პრემია „ნაკადული" ნელ-ნელა სულ უფრო იმკვიდრებს ამ პრიორიტეტების ერთ-ერთი გამწევი  ძალის, ერთგვარი შემაჯამებლის სახელს. უდავოა, რომ მსგავსი პროექტები აუცილებელია წიგნიერების დონის ამაღლებისა და ბავშვების კითხვით დასაინტერესებლად, ამიტომ კვლავ გავაგრძელებთ პრემიის მხარდაჭერას და იმედს გამოვთქვამ, რომ მომავალში ის უფრო მასშტაბური გახდება. ვულოცავ ყველა გამარჯვებულს და ვუსურვებ შემოქმედებით წარმატებას", - განაცხადა თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ხელმძღვანელმა ირაკლი გვილავამ.

აღსანიშნავია, რომ პრემია „ნაკადული", იუნესკოს პროექტ „თბილისი - წიგნის მსოფლიო დედაქალაქის" მიერ ორგანიზებული თბილისის საბავშვო წიგნის ფესტივალის ფარგლებში, 2021 წელს დაარსდა.

პრემიის სახელი ერთ-ერთ პირველ ქართულ საბავშვო ჟურნალ „ნაკადულს" უკავშირდება. ჟურნალი 1904-1927 წლებში გამოიცემოდა და მასთან თანამშრომლობდნენ აკაკი წერეთელი, ვაჟა-ფშაველა, შიო მღვიმელი, ლეო ქიაჩელი, ეკატერინე გაბაშვილი და სხვები.

„მოხარული ვარ, რომ იუნესკოს პროექტ „თბილისი - წიგნის მსოფლიო დედაქალაქის" ფარგლებში დაარსებული ლიტერატურული პრემია ასე წარმატებით აგრძელებს თავის გზას. უკვე მესამე წელია, რაც „ნაკადული" საუკეთესო საბავშვო ნაწარმოებებს და ილუსტრირებულ გამოცემებს გამოარჩევს, რაც ამ მიმართულებით მომუშავე ავტორებისთვის უდიდესი მხარდაჭერა და სტიმულია. ვულოცავ გამარჯვებულებს, პატარა მკითხველს კი ახლა თავგადასავლებს ვუსურვებ", - განაცხადა თბილისის მულტიფუნქციური ბიბლიოთეკების გაერთიანების დირექტორმა, ნინია მაჭარაშვილმა.

ჟიურის შემადგენლობაში შედიოდნენ: ილუსტრატორი თაკო ბაქრაძე, მწერალი დიანა ანფიმიადი, მწერალი თეა თოფურია, განათლების ექსპერტი გიორგი ჭანტურია და 2023 წლის მასწავლებლის ეროვნული ჯილდოს მფლობელი ნინო ფსუტური.

ავტორი: NS (სტატია დაფინანსებულია),

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას