2023-12-14 11:47:46, 767 ნახვა
პოლიტიკა
ბაშარ ალ-ასადი ინალ არძინბას არაბული ქვეყნების მიერ „აფხაზეთის აღიარებაში“ დახმარებას დაჰპირდა
სირიის პრეზიდენტი ბაშარ ალ-ასადი დროებით ოკუპირებული აფხაზეთის ე.წ. საგარეო საქმეთა მინისტრ ინალ არძინბას შეხვდა.
ე.წ. საგარეო საქმეთა სამინისტროს მიერ გავრცელებული ინფორმაციის თანახმად, ბაშარ ალ-ასადმა განაცხადა, რომ "ყველა ღონეს გამოიყენებს არაბული სამყაროს ქვეყნების მიერ აფხაზეთის რესპუბლიკის სახელმწიფო სუვერენიტეტის აღიარების გაფართოებისთვის".
"მხარეებმა მხარდაჭერა გამოუცხადეს რუსეთის ფედერაციის მიერ უკრაინაში განხორციელებულ სპეცოპერაციას და დაგმეს ამერიკის შეერთებული შტატების ქმედებები და მცდელობები ახლო აღმოსავლეთში, ამიერკავკასიასა და მსოფლიოს სხვა რეგიონებში კონფლიქტების დაწყებასთან დაკავშირებით.
მხარეებმა ასევე დაგმეს ისრაელის საჰაერო თავდასხმები სირიის სამოქალაქო ინფრასტრუქტურაზე",- ნათქვამია ე.წ. საგარეო უწყების ინფორმაციაში.
ავტორი: ექსპრესნიუსი,
epn.ge (@expressnews.ge)
