ხალხს შეიძლება ბევრი რამ უნდოდეს, მაგრამ შენ, მისმა ხელისუფალმა თუ არ გააკეთე შესაბამისი რეაგირება ხალხის ამ პოზიტიურ მოთხოვნაზე და მიზანსწრაფვაზე, მხოლოდ იმიტომ, რომ ხალხს რაღაც უნდა, ამის გამო არავინ არაფერს მოგანიჭებს: არც ვიზალიბერალიზაციას გაგიკეთებენ და გენდობიან, არც ასოცირების ხელშეკრულებას გაგიფორმებენ, არც სტატუსს მოგცემენ, არც დადებით რეკომენდაციას გასცემდნენ. მხოლოდ სურვილი არ არის რაღაცის საფუძველი, გატარებული რეფორმები არის მთავარი საფუძველი, - ამის შესახებ პარტია "ქართული ოცნების" აღმასრულებელმა მდივანმა, მამუკა მდინარაძემ განაცხადა.

მისი თქმით, "საუბარი და რადიკალური ოპოზიციის აპელირება ხელისუფლების პრორუსულობაზე, საუბრად დარჩება, ხოლო ისტორიაში შევა კონკრეტული შედეგები, თუ რომელი ხელისუფლების დროს გაფორმდა ასოცირების შეთანხმება, ვიზალიბერალიზაცია, სტატუსის მინიჭებაზე დადებითი რეკომენდაცია და როდის მიენიჭება საქართველოს კანდიდატის სტატუსი".

"მოდით, შედეგებით ვილაპარაკოთ. საუბარი საუბრად რჩება, ისტორიაში დარჩება, ვის დროს, როგორ, რა კონკრეტული შედეგები დაიდო: ვიზალიბერალიზაცია როდის მივიღეთ - როდის მერე გადაადგილდებიან საქართველოს მოქალაქეები ვიზის გარეშე, როდის მივიღეთ კანდიდატის სტატუსი, როდის გაიცა დადებითი რეკომენდაცია, როდის მოეწერა ასოცირების ხელშეკრულებას ხელი და ა.შ. ეს არის კონკრეტული შედეგები, რომელიც იყო შეფასება და დაფასება ყოველი ეტაპის შემდეგ და ასე გაგრძელდება. ჩვენ აქეთ მივდივართ და მოსკოვის გავლით, ევროპაში ვერ შეხვალ, გამორიცხული ამბავია, ამათ კი იძახონ, "რუსები, რუსები", - განაცხადა მამუკა მდინარაძემ ჟურნალისტებთან საუბრისას.

ავტორი: NS (სტატია დაფინანსებულია),

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას