არცერთი ცოცხალი მძევალი არ დატოვებს ღაზას სექტორს, თუ პატიმრების გათავისუფლების შესახებ მოთხოვნები არ დაკმაყოფილდება, - ამის შესახებ განცხადებას ტერორისტული ორგანიზაია "ჰამასის" სამხედრო ფრთის, ალ-კასამის ბრიგადების სპიკერი აბუ ობეიდა ავრცელებს.

მისი თქმით, "ჰამასი" გააგრძელებს ისრაელის ძალებთან ბრძოლას.

"ვერც მტერი და მისი ამპარტავანი ხელმძღვანელობა და ვერც მისი მხარდამჭერები ვერ ახერხებენ თავიანთი პატიმრების ცოცხლად გაყვანას მოლაპარაკებისა და წინააღმდეგობის მოთხოვნების დაკმაყოფილების გარეშე... ჩვენ არ გვაქვს სხვა გზა გარდა იმისა, რომ ვებრძოლოთ ოკუპანტს ყველა უბანში, ქუჩასა და ხეივანში", - განაცხადა ობეიდამ.

The Times Of Israeli-ის ცნობით, "ჰამასის" ტყვეობაში ამ დრომდე 137 მძევალი რჩება.

ცნობისთვის, მას შემდეგ, რაც 24 ნოემბერს ისრაელსა და "ჰამასს" შორის ცეცხლის შეწყვეტის შეთანხმება ამოქმედდა, ტერორისტული დაჯგუფების მიერ 7 ოქტომბერს, ღაზას სექტორში გატაცებული მძევლების გათავისუფლების რამდენიმე რაუნდი შედგა, რის სანაცვლოდაც ისრაელმა პალესტინელი პატიმრები გაათავისუფლა.

ავტორი: ექსპრესნიუსი,

სოციალური ქსელები

Galt & Taggart-მა აჭარის ეკონომიკისა და სექტორული ტენდენციების შესახებ კონფერენცია გამართა

პენტაგონის ხელმძღვანელმა ისრაელში ნეთანიაჰუსთან საიდუმლო შეხვედრა გამართა - Axios

აშშ უკრაინისთვის „პატრიოტის“ ტიპის სარაკეტო თავდაცვის სისტემების მიწოდებას აჭიანურებს

მიხეილ სააკაშვილი – დროა, თვალი გაახილოთ და მიხვდეთ, რომ ჩემთან დაპირისპირების გამო, მომხრე აღარავინ შეგრჩათ