უკრაინის თავდაცვისთვის გამოყოფილი ამერიკული ინვესტიციების 90 პროცენტი აშშ-ში, ადგილობრივ მწარმოებლებზე დაიხარჯა, რამაც ეკონომიკის ზრდა გამოიწვია, - ამის შესახებ აშშ-ის სახელმწიფო მდივანმა, ენტონი ბლინკენმა, ბრიტანეთის საგარეო საქმეთა მინისტრთან, დევიდ კამერონთან ერთად გამართულ პრესკონფერენციაზე განაცხადა.

ბლინკენის თქმით, უკრაინის გამარჯვებისთვის და რუსეთის სტრატეგიული მარცხისთვის საჭიროა უკრაინის დახმარების შენარჩუნება.

„თუ გადავხედავთ იმ ინვესტიციებს, რომლებიც ჩვენ განვახორციელეთ უკრაინის თავდაცვაში ამ აგრესიის წინააღმდეგ საბრძოლველად, უსაფრთხოების დახმარების 90 პროცენტი რეალურად დაიხარჯა აქ, შეერთებულ შტატებში, ჩვენს მწარმოებლებთან, ჩვენს წარმოებაში და ამან შექმნა მეტი ამერიკული სამუშაო ადგილი, მეტი ზრდა ჩვენს ეკონომიკაში. ასე რომ, ეს ასევე მომგებიანი იყო, რომელიც უნდა გავაგრძელოთ“, - განაცხადა ენტონი ბლინკენმა.

შეგახსენებთ, რომ ამერიკის შეერთებული შტატების სენატმა უკრაინის, ისრაელისა და ტაივანის დაფინანსების შესახებ კანონპროექტის კენჭისყრა დაბლოკა. 

კანონპროექტის ჩავარდნის მიზეზი სენატში გამართული პროცედურული კენჭისყრის დროს წინსვლისთვის საკმარისი ხმები არქონა გახდა.

ავტორი: ექსპრესნიუსი,

სოციალური ქსელები

აშშ-ს საელჩო - „ოცნებამ“ შეაჩერა ევროკავშირში გაწევრიანების პროცესი, აშშ-სთან სტრატეგიული პარტნიორობა დაკარგა

აქციის მონაწილე - პოლიციის 10 თანამშრომელი მირტყამდა - იარაღით მემუქრებოდნენ, ტელეფონის PIN-კოდს თუ არ ვეტყოდი, თავს გამიხვრეტდნენ

საკონსტიტუციომ არჩევნების არაკონსტიტუციურად ცნობის შესახებ პრეზიდენტისა და 30 დეპუტატის სარჩელები არსებითად განსახილველად არ მიიღო

აქციის მონაწილე - 2 ადამიანს ვეჭირე ხელით, დანარჩენები სახეში მირტყამდნენ - ვთხოვე, საწვიმარი გამეხადა, რადგან სისხლით იყო სავსე