"ნაციონალური მოძრაობა" ისეთივე მოძალადე და კორუმპირებულ პარტიად რჩება, როგორიც იყო,- ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

პაპუაშვილი ჟურნალისტებთან საუბრისას ენმ-ში მიმდინარე მოვლენებს გამოეხმაურა და აღნიშნა, რომ პროცესები არა შინაარსობრივი, არამედ არითმეტიკული მნიშვნელობის მატარებელია. 

"ამ პროცესს "ნაციონალურ მოძრაობაში" არა შინაარსობრივი, არამედ არითმეტიკული მნიშვნელობა აქვს. აქ არ არის დავა ღირებულებებზე. "ნაციონალური მოძრაობა" ისეთივე მოძალადე პარტიად რჩება, როგორიც იყო; "ნაციონალური მოძრაობა" ისეთივე კორუმპირებულ პარტიად რჩება, როგორიც ის იყო თავიდანვე; "ნაციონალური მოძრაობა" ისევ ქვეყნის წინააღმდეგ მოქმედი რჩება, როგორც იყო მიუხედავად იმისა, როგორ გაიყოფიან.

ეს პირველი შემთხვევა ხომ არ არის. აქამდე, "სტრატეგია აღმაშენებელი" ვითომ გამოეყო, მერე ისევ შეუერთდნენ. გამოეყო "სტრატეგია აღმაშენებელი", "გირჩი", "დროა", "ლელოს" ნაწილი - ბევრი ვინც გამოეყო, ეს ხომ ფარსია სინამდვილეში. ღირებულებებით არიან ისინი ერთნი... არჩევნებზე საზოგადოება კიდევ ერთხელ მიუჩენს ადგილს ამ პოლიტიკურ დაჯგუფებებს",- თქვა შალვა პაპუაშვილმა. 

ავტორი: ექსპრესნიუსი,

სოციალური ქსელები

ვენეციის კომისია პარტიების აკრძალვაზე: შესაძლოა ძირეულად შეარყიოს კონსტიტუციური წესრიგი

ვენეციის კომისია "გრანტების კანონზე" - ეწინააღმდეგება დემოკრატიის საერთაშორისო სტანდარტებს

ადვოკატი: გრძელდება გიორგი დავითაძეზე ზეწოლა, ორმა ბადრაგმა ფანჯრიდან აგინა

ლევან მახაშვილი -ბრიუსელის ბიუროკრატია დინების წინააღმდეგ ცურავს