02:05 - 27 Feb, 2024
რეკლამა/ხელმოწერა
2023-12-02 16:13:16, 349 ნახვა

პოლიტიკა
ოდიშარია პრეზიდენტის განცხადებაზე - ხალხისთვის თვალში ნაცრის შეყრა მთავრდება იმით, რომ პოლიტიკოსები კარგავენ რეიტინგს და ნდობას

გული მწყდება, მე მის გაპრეზიდენტებაზე მაქვს ამაგი, მთელს პარტიას გვაქვს, მაგრამ მათ შორის, მე - განსაკუთრებული. ვერ ვიჯერებ, როდესაც ასეთ განცხადებებს ვუსმენ, იმიტომ რომ, როდესაც სულ რაღაც ორ კვირაზე ცოტა ნაკლებში, ჩვენ უნდა მივიღოთ კანდიდატის სტატუსი, სულ რომ ქვეყანა ფეხქვეშ ეწვოდეს, ადამიანი, რომელსაც გული შესტკივა საკუთარ სამშობლოზე და რომელსაც მართლაც სურს, საკუთარი ქვეყანა გახდეს ევროკავშირის სრულფასოვანი წევრი, პირში წყალს ჩაიგუბებდა და არანაირ განცხადებას არ გააკეთებდა სტატუსის მონიჭებამდე, მერე, რა თქმა უნდა, კრიტიკა მისაღებია, - ასე ეხმაურება "ქართული ოცნების" წევრი ბექა ოდიშარია, საქართველოს პრეზიდენტის, სალომე ზურაბიშვილის განცხადება იმის შესახებ, რომ საქართველოში ხალხს უჭირს, იპოვოს სამართალი.

ოდიშარიას თქმით, მსგავსი სახის განცხადებებით ხალხისთვის თვალში ნაცრის შეყრა, პოლიტიკოსების რეიტინგის და ნდობის დაკარგვით მთავრდება. 

"ყველაფერი შეიძლება დააბრალო "ქართულ ოცნებას", ენა მოიტეხეს უკვე, ხალხი იცინის პრორუსულს რომ იძახიან, დასცინის, იმდენად უნიჭოები არიან, "პრორუსულის" გარდა სხვა ვერაფერი მოიგონეს. ერთმანეთს ბოლშევიკებს ეძახიან და ჩვენ პრორუსებს. "ქართულ ოცნებას" რომ ის დააბრალო, აქ სამართალი არ არის , ქუჩაში ხალხს ხომ არ ვკლავთ და ხომ არ დავდევთ? მიტინგების მერე, ჯიხურების თავზე ვითომ დენმა დაარტყა ხომ არ ვიძახით? ხალხისათვის თვალში ნაცრის შეყრა მთავრდება იმით, რომ პოლიტიკოსები კარგავენ რეიტინგს და ნდობას. ძალიან კი არ მსურდა რომ ეს ქალბატონ  სალომეს დამართოდა, მაგრამ იმართებს და რა ვუშველოთ, არ ვიცი, მაშველი რგოლი არ მაქვს ასეთი", - განაცხადა ოდიშარიამ.




ავტორი: NS (სტატია დაფინანსებულია),


სოციალური ქსელები
გერმანიის მთავრობამ უკრაინას სამხედრო დახმარების ახალი პაკეტი გადასცა
მაკრონი - ჩვენი უსაფრთხოება სასწორზე დევს - რუსეთმა უკრაინაში მიმდინარე ომში არ უნდა გაიმარჯვოს
ორბანი ნავალნიზე - ვინც რუსეთ-საქართველოს ომის დროს ქართველებს ვირთხებს ეძახდა, პარლამენტში ფეხზე არ უნდა წამოუდგნენ
უნგრეთის პარლამენტმა ქვეყნის ახალ პრეზიდენტად ტომას შუიოკი აირჩია

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics