2023-12-01 16:21:41, 830 ნახვა
რეგიონი
„გასტრო ბათუმზე“ სპიკერებად ბელგიელი, ფრანგი, ლატვიელი და თურქი შეფებია მოწვეული
ბათუმის პირველ საერთაშორისო გასტრონომიულ ფორუმში „გასტრო ბათუმი“ მონაწილეობას მიშლენის ვარკვლავის მქონე რესტორნების შეფები საფრანგეთიდან, ბელგიიდან და ლატვიიდან მიიღებენ. მათთან ერთად ადგილობრივი მზარეულებისა და გასტრონომიულ ტურიზმში დასაქმებული პირებისთვის მასტერკლასებს თურქი და ქართველი შეფები ჩაატარებენ. აჭარის ტურიზმის დეპარტამენტი გასტრო ფორუმს რეგიონში გასტრონომიული ტურიზმის განვითარების, საერთაშორისო გამოცდილების გაზიარებისა და აჭარული კერძების სარესტრონო ქსელებში დანერგვის მიზნით ატარებს. აღნიშნულის შესახებ აჭარის ტურიზმისა და კურორტების დეპარტამენტი ავრცელებს. მათი ცნობით, წელს, „გასტრო ბათუმის“ მთავარი სპიკერები მიშლენის ვარკვლავის მფლობელი რესტორნების შეფები და რესტორატორებია. მათ შორისაა საფრანგეთის კულინარიისა და სტუმართმასპინძლობის ინდუსტრიის უმაღლესი სკოლის FERRANDI Paris შეფ ინსტრუქტორი სტეფან იაკიჩი, ამავე სკოლის საერთაშორისო პროექტების მენეჯერი ნიკოლოს კალიარდი, საფრანგეთის კულინარიის აკადემიის ვიცე-პრეზიდენტი (2015-2019 წლებში) და ბელგიის რესტორანთა ასოციაციის პრეზიდენტი (2015-2019 წლები) რონალდ დებუსტი, ბრიტანეთსა და საფრანგეთში ორ-სამ მიშლენის ვარკვლავის მფლობელი რესტორნების შეფ-მზარეული არტურ ლინკევიჩი. ფორუმზე სპიკერებად ასევე მოწვეულების არიან PALOMA finesse hotels აღმასრულებელი შეფი, ილჰან ონაი თურქეთიდან, ქართველი შეფები და რესტორატორები გიორგი ნინუა, გურამ ბაღდოშვილი და გასტრონომიის მკვლევარი, ექსპერტი დალილა ცატავა. „მოწვეული შეფები და რესტორატორები ადგილობრივი შეფ-მზარეულებისთვის ჩაატარებენ ხორცის, თევზისა და სანელებლების მომზადების მასტერკლასებს, ასევე ისაუბრებენ გასტრონომიული ტურიზმის ტენდენციებსა და გამოწვევებზე. ფორუმის ფარგლებში იგეგმება ვიდეორეცეპტების მომზადებაც. მათი ნახვა მსურველებს serviceajara.ge-ზე შეეძლებათ. ფორუმზე დასწრება ადგილობრივ შეფებს, მზარეულებს, რესტორატორებს და ზოგადად, გასტრონომიულ ტურიზმში ჩართულ პირებს შეუძლია. დასწრება უფასოა და მსურველებმა წინასწარი რეგისტრაცია დეპარტამენტის სერვისის განვითარების ვებ-გვერდზე https://serviceajara.ge/Trainings/1/ უნდა გაიარონ“, - აღნიშნულია ინფორმაციაში. ავტორი: NS (სტატია დაფინანსებულია), გახარია საქართველოსთვის წევრები საპროტესტო აქციას მართავენ - შერატონი არ არის უსაფრთხო
დონალდ ტრამპი - თუ შეთანხმებას ვერ მივაღწევთ, რუსეთს მძიმე სანქციები და მაღალი ტარიფები დაეკისრება
მიხაილო პოდოლიაკი - რუსეთის ფედერაცია 8 თვის განმავლობაში შეიძლება დაეცეს
ალექსი მამულია - ციხის პირობებში შეზღუდული აბსოლუტურად არაფერში არ ვიყავით ზეწოლას და ძალადობას ადგილი არ ჰქონია
|
რედაქტორის რჩევით
დონალდ ტრამპი: მეორედ თეთრ სახლში - რა შეიცვლება წინა პრეზიდენტობისგან განსხვავებით
2004 წლიდან დღემდე, ბაიდენის ადმინისტრაცია პირველია, რომლის სახელმწიფო მდივანიც საქართველოს არ სწვევია
ომი უკრაინაშიდონალდ ტრამპი - თუ შეთანხმებას ვერ მივაღწევთ, რუსეთს მძიმე სანქციები და მაღალი ტარიფები დაეკისრება
მიხაილო პოდოლიაკი - რუსეთის ფედერაცია 8 თვის განმავლობაში შეიძლება დაეცეს
ვიდეო/LIVE საქართველოს მეხუთე პრეზიდენტის, სალომე ზურაბიშვილის ბრიფინგი
კონგრესმენი უილსონი - სევდიანი დილაა მოსკოვის, თბილისის,თეირანის დიქტატორებისთვის, ტრამპი დაბრუნდა
მთავარი თემა
|