რუსეთის შინაგან საქმეთა სამინისტრომ მოამზადა კანონპროექტი, რომელიც ქვეყანაში შესვლისას უცხოელებს "ლოიალურობის შეთანხმებაზე" ხელის მოწერას დაავალდებულებს. აღნიშნულის შესახებ ინფორმაციას რუსული პროპაგანდისტული მედია TASS-ი ავრცელებს.

TASS-ის ცნობით, კანონპროექტის მიხედვით, უცხოელებს რუსული პოლიტიკის "დისკრედიტაცია", საბჭოთა ხალხის წვლილის "დამახინჯება" ფაშიზმზე გამარჯვებაში და "ტრადიციული ღირებულებების" უარყოფა ეკრძალებათ.

"როგორც კანონპროექტიდან ირკვევა, უცხოელს, რომელიც შემოდის ქვეყანაში, რუსეთის ფედერაციის ტერიტორიაზე ყოფნის პერიოდში, ეკრძალება: ჩაერიოს რუსეთის ფედერაციის ხელისუფლების საქმიანობაში და მოახდინოს მისი დისკრედიტაცია ნებისმიერი ფორმით; დოკუმენტი ითვალისწინებს, რომ მიგრანტებს ეკრძალებათ ინფორმაციის თავისუფლების უფლების ბოროტად გამოყენება, მათ შორის ინფორმაციის გავრცელებით, რომელიც მიზნად ისახავს კონსტიტუციურად მნიშვნელოვანი მორალური და სხვა ფასეულობების დაკნინებას ან უარყოფას, როგორიცაა: ოჯახი, დედობა, მამობა, ბავშვობა და არატრადიციული სექსუალური ურთიერთობების პროპაგანდა; უცხოელებს ასევე ეკრძალებათ ისტორიული სიმართლის დამახინჯება საბჭოთა ხალხის ბედის შესახებ სამშობლოს დაცვაში და მისი წვლილი ფაშიზმზე გამარჯვებაში", - წერს TASS-ი.

გარდა ამისა, უცხოელებს ასევე ეკრძალებათ კანონების მიღების ან გაუქმების წახალისება, ბუნებრივი რესურსებისადმი დაუდევრად მოპყრობა და კულტურული ფასეულობების უგულებელყოფა.

აღსანიშნავია ასევე, რომ აღნიშნული კანონის მიღების შემთხვევაში, უცხოელებს მოეთხოვებათ, არ გამოიჩინონ "უპატივცემულობა რუსეთის მოსახლეობის რეგიონული და ეთნოკულტურული ცხოვრების მრავალფეროვნების, ტრადიციული რუსული სულიერი და მორალური ღირებულებების მიმართ".

გამოცემის ცნობითვე, ჯერჯერობით უცნობია, როდის დარეგისტრირდება კანონპროექტი რუსეთის დუმაში.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ