ტერორისტული დაჯგუფება „ჰამასი“ აცხადებს, რომ ისრაელთან ოთხდღიანი ზავის გახანგრძლივება სურს. აღნიშნულის შესახებ CNN- წერს.

როგორც დაჯგუფების მიერ გავრცელებულ განცხადებაშია აღნიშნული, „ჰამასს“ სურს, გააგრძელოს ზავი ოთხდღიანი პერიოდის დასრულების შემდეგ, სერიოზული ძალისხმევით გაზარდოს პატიმრობიდან გათავისუფლებულთა რიცხვი, როგორც ეს გათვალისწინებულია ჰუმანიტარული ცეცხლის შეწყვეტის შეთანხმებით“.

ამასთან, როგორც კატარის საგარეო საქმეთა სამინისტროს სპიკერმა, მაჯედ ალ-ანსარიმ განაცხადა, ზავის გაგრძელება ისრაელ-"ჰამასს" საშუალებას მისცემს დანარჩენ მძევლებთან დაკავშირებით "უფრო სერიოზულ დისკუსიებში შევიდნენ".

„რისი იმედიც გვაქვს, არის ის, რომ იმპულსი, რომელიც მოჰყვა მძევლების გათავისუფლებას ამ ოთხდღიანი შეთანხმებისას, საშუალებას მოგვცემს, გავაგრძელოთ ზავი ამ ოთხი დღის შემდგომ და შესაბამისად, უფრო სერიოზულ დისკუსიებში შევიდეთ დანარჩენი მძევლების შესახებ“, - განაცხადა კატარის საგარეო საქმეთა სამინისტროს სპიკერმა.

ცნობისთვის, 24 ნოემბერს ისრაელსა და „ჰამასს“ შორის ცეცხლის შეწყვეტის შეთანხმება ამოქმედდა და მძევლების გათავისუფლების პირველი რაუნდი შედგა, რომლის ფარგლებშიც"ჰამასმა" 24 მძევალი გაათავისუფლა. პირველი რაუნდის შემდეგ ტერორისტული დაჯგუფების ტყვეობიდან ასევე გათავისუფლდა 13 ისრაელელი და 4 ტაილანდელი მოქალაქე, რომელთა სანაცვლოდაც ისრაელმა 39 პალესტინელი პატიმარი გაათავისუფლა.​

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ