ისრაელსა და ტერორისტულ დაჯგუფება "ჰამასს" შორის ამოქმედებული დროებითი შეთანხმების შემდეგ, ისრაელის სამხედროებმა ცეცხლი გაუხსნეს პალესტინელებს, რომლებიც ღაზას სექტორის ჩრდილოეთით დაბრუნებას ცდილობდნენ. აღნიშნულის შესახებ ინფორმაციას Associated Press-ი ავრცელებს.

Associated Press-ის ცნობით, შემთხვევის შედეგად დაიღუპა 2 და დაშავდა 11 ადამიანი.

გამოცემის ცნობით, დაშავებულთა უმეტესობა ჯარისკაცებმა ფეხის არეში დაჭრეს.

მათივე ინფორმაციით, ინციდენტი გზაჯვარედინზე მოხდა, რომელიც ღაზას სექტორის ჩრდილოეთ და სამხრეთ ნაწილებს ჰყოფს.

გარდა ამისა, მედია წერს, რომ ისრაელელმა სამხედროებმა თვითმფრინავებიდან გამაფრთხილებელი ფლაერები გადმოყარეს, სადაც მოსახლეობას აფრთხილებდნენ, რომ ღაზას ჩრდილოეთი ნაწილი კვლავ ბრძოლის ეპიცენტრია და მათ სამხრეთში დარჩენისკენ მოუწოდებდნენ.

"ღაზას სექტორის მცხოვრებლებისთვის ომი ჯერ არ დასრულებულა. ჰუმანიტარული შესვენება დროებითია, ღაზას სექტორის ჩრდილოეთი საშიში ომის ზონაა და იქ მგზავრობა აკრძალულია. თქვენი და თქვენი ოჯახის ბედი თქვენს ხელშია", - წერია ფლაერებზე.

აღსანიშნავია, რომ ტერორისტულ დაჯგუფება „ჰამასსა“ და ისრაელს შორის დროებითი ცეცხლის შეწყვეტის ამოქმედებამდე რამდენიმე წუთით ადრე, მსგავსი შინაარსის გამაფრთხილებელი ვიდეო ისრაელის თავდაცვის ძალების (IDF) სპიკერმა, ავიჩაი ადრეიმ X-ზე (ყოფილ Twitter-ზე) გამოაქვეყნა.

ცნობისთვის, დღეს, 24 ნოემბერს ისრაელსა და „ჰამასს“ შორის ცეცხლის შეწყვეტის შეთანხმება,  ადგილობრივი დროით, 07:00 საათზე ამოქმედდა, ხოლო მძევლების გათავისუფლების პროცესი 16:00 საათზე დაიწყება.

ისრაელსა და "ჰამასს" შორის ცეცხლის შეწყვეტის შეთანხმება გუშინ, 24 ნოემბერს შედგა.

მანამდე, 21 ნოემბერს, ორ მხარეს შორის გაიმართა მოლაპარაკება, რომლის მიხედვითაც, 4 დღის განმავლობაში, 50 მძევალი 150 პალესტინელი პატიმრის სანაცვლოდ უნდა გათავისუფლებულიყო.. 

22 ნოემბერს, ტერორისტული დაჯგუფება "ჰამასის“ ოფიციალურმა წარმომადგენელმა, მუსა აბუ მარზუკმამ განაცხადა, რომ ისრაელ-„ჰამასს“ შორის დადებული ზავი ძალაში 23 ნოემბერს შევიდოდა, თუმცა, 24 ნოემბერს, ისრაელის ეროვნული უსაფრთხოების მრჩეველმა, ცაჰი ჰანეგბიმ თქვა, რომ მძევლების გათავისუფლების შესახებ შეთანხმება პარასკევამდე არ ამოქმედდებოდა.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ