ირანის საგარეო საქმეთა მინისტრი ჰოსეინ ამირ-აბდოლაჰიანი ლიბანში „ჰეზბოლას“ ლიდერს, ჰასან ნასრალას შეხვდა. ამის შესახებ ინფორმაციას ლიბანური გამოცემა Naharnet-ი ავრცელებს.

გამოცემის ცნობით, ნასრალამ ამირ-აბდოლაჰიანთან განიხილა ბოლო მოვლენები პალესტინასა და ლიბანში, საუბარი ასევე შეეხო ღაზას სექტორში კონფლიქტის შეჩერების მცდელობებს.

ირანის საგარეო საქმეთა მინისტრმა "ჰეზბოლას" ლიდერს განუცხადა, რომ თუ ისრაელ-„ჰამასს“ შორის მიღწეული შეთანხმება არ ამოქმედდება, ღაზას სექტორში მიმდინარე ომი, დიდი ალბათობით, სხვა ქვეყნებზეც გავრცელდება.

”ჩვენ არ ვცდილობთ ომის ფარგლების გაფართოებას”, - აღნიშნა ირანის საგარეო უწყების ხელმძღვანელმა. 

შეგახსენებთ, რომ 21 ნოემბერს, ისრაელსა და „ჰამასს“ შორის მოლაპარაკება შედგა, რომლის მიხედვითაც, 4 დღის განმავლობაში, 50 მძევალი 150 პალესტინელი პატიმრის სანაცვლოდ უნდა გათავისუფლდეს. ამ დროის განმავლობაში გამოცხადდება ცეცხლის შეწყვეტის პაუზებიც.

ამასთან, 22 ნოემბერს, ტერორისტული დაჯგუფება "ჰამასის“ ოფიციალურმა წარმომადგენელმა, მუსა აბუ მარზუკმამ განაცხადა, რომ ისრაელ-„ჰამასს“ შორის დადებული ზავი ძალაში დღეს, 23 ნოემბერს შევიდოდა, თუმცა, დღეს, ისრაელის ეროვნული უსაფრთხოების მრჩეველმა, ცაჰი ჰანეგბიმ განაცხადა, რომ მძევლების გათავისუფლების შესახებ შეთანხმება პარასკევამდე არ ამოქმედდება.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ