ისრაელის მინისტრთა კაბინეტმა მძევლების გათავისუფლების შესახებ "ჰამასთან" შეთანხმებას მხარი დაუჭირა. ამის შესახებ ინფორმაციას The Times of Israel-ი ქვეყნის პრემიერ-მინისტრის ოფისზე დაყრდნობით ავრცელებს.

ბენიამინ ნეთანიაჰუს ოფისის მიერ გავრცელებულ განცხადებაში ნათქვამია, რომ ოთხი დღის განმავლობაში, 150 პალესტინელი პატიმრის სანაცვლოდ, 50 მძევალი გათავისუფლდება.

შეთანხმების ნაწილია ასევე, რომ ამ დროის განმავლობაში გამოცხადება პაუზებიც. ამავე შეთანხმების თანახმად, ყოველი დამატებითი 10 მძევლის გათავისუფლება დამატებით ერთდღიან პაუზას გამოიწვევს.

ცნობისთვის, ბოლო ოფიციალური მონაცემებით, ღაზას სექტორში ტერორისტული დაჯგუფება "ჰამასის მიერ 7 ოქტომბერს გატაცებული 200-ზე მეტი მძევალი იმყოფება.

7 ოქტომბერს, ღაზას სექტორიდან ისრაელის სამხრეთით მოულოდნელი სარაკეტო და სახმელეთო იერიში წამოიწყეს. თავდასხმაზე პასუხისმგებლობა ისლამისტურმა დაჯგუფება "ჰამასმა" აიღო და ისრაელის წინააღმდეგ ოპერაციის "ალ-აკსას წარღვნა" დაწყების შესახებ განაცხადა. იერიშის საპასუხოდ ისრაელის თავდაცვის სამინისტრომ ოპერაცია, სახელწოდებით "რკინის ხმლები" დაიწყო.

8 ოქტომბერს, ისრაელის უსაფრთხოების კაბინეტმა საომარი მდგომარეობა ოფიციალურად გამოაცხადა. 9 ოქტომბერს, ქვეყნის თავდაცვის ძალებმა (IDF) გაავრცელეს ინფორმაცია, რომ ისრაელმა ღაზას საზღვართან მდებარე ყველა ქალაქზე კონტროლი დაიბრუნა. იმავე დღეს, ისრაელის თავდაცვის მინისტრმა, იოავ გალანტმა ღაზას სრული ბლოკირების ბრძანება გასცა. 11 ოქტომბერს, IDF-მ ღაზას გარშემო ბარიერი აღადგინა და აღნიშნულ ტერიტორიაზე დამატებით 300 000 რეზერვისტი გაგზავნა, მოგვიანებით კი, ღაზას სექტორში სახმელეთი ოპერაცია დაიწყო.

ავტორი: ექსპრესნიუსი,

სოციალური ქსელები

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა

კობახიძე - ოპოზიციური პარტიების აკრძალვა პირველ რიგში, ქართველი ხალხის ინტერესებშია, მათ შორის მათი ამომრჩევლის

კობახიძე ოპოზიციაზე - სასამართლოს მაგივრად ურჩევნიათ, ესაუბრონ უცხოელ დიპლომატებს, რაც ბევრ რამეზე მეტყველებს

კობახიძე ევროკომისიის სპიკერზე - პოლიტიკური ზეწოლის მცდელობაა