2023-11-21 22:31:09, 927 ნახვა
პოლიტიკა
ბაიდენი - შეთანხმების მიღწევა ღაზაში „ჰამასის“ მიერ დაკავებული მძევლების ნაწილის გათავისუფლებაზე ძალიან ახლოსაა
შეთანხმების მიღწევა ღაზაში "ჰამასის" მიერ დაკავებული მძევლების ნაწილის გათავისუფლებაზე ძალიან ახლოსაა, - ამის შესახებ აშშ-ის პრეზიდენტმა, ჯო ბაიდენმა განაცხადა.
ბაიდენის თქმით, მას არ სურს დეტალებზე საუბარი, იქამდე, სანამ მძევლები თავისუფლები არ იქნებიან.
"ჩვენ ახლა ძალიან ახლოს ვართ, ძალიან ახლოს. ჩვენ შეგვიძლია ამ მძევლების [ნაწილის] ძალიან მალე სახლში დაბრუნება", - განაცხადა აშშ-ის პრეზიდენტმა.
ცნობისთვის, ისრაელის დაზვერვის მონაცემებით, „ჰამასს“ მძევლად 230 ისრაელელი ჰყავს, მათ შორის ჩვილები, ბავშვები და ხანდაზმულები.
ავტორი: ექსპრესნიუსი,
epn.ge (@expressnews.ge)
