მიხეილ სააკაშვილის დამსახურებით ძალიან ბევრი მამა ვერ დაუბრუნდა საკუთარ შვილებს, - აღნიშნულის შესახებ „ქართული ოცნების“ თავმჯდომარემ, ირაკლი კობახიძემ განაცხადა.

კობახიძის თქმით, თუ საქართველოს პრეზიდენტს, სალომე ზურაბიშვილს სურს გახდეს ექსპრეზიდენტ სააკაშვილის "ამორალურობის თანაზიარი", მაშინ შეუძლია, მიიღოს შეწყალების გადაწყვეტილება.

"სააკაშვილის დამსახურებით ძალიან ბევრი მამა ვერ დაუბრუნდა საკუთარ შვილებს, მინდა, შევახსენო ეს მიხეილ სააკაშვილს. რა მორალზეა საუბარი, როდესაც ვეხებით მიხეილ სააკაშვილს. რაც შეეხება სალომე ზურაბიშვილს, მას თუ სურს გახდეს სააკაშვილის ამორალურობის თანაზიარი, მაშინ შეუძლია, მიიღოს ეს გადაწყვეტილება", - განაცხადა კობახიძემ.

ცნობისთვის, ცოტა ხნის წინ, საქართველოს მესამე პრეზიდენტმა, მიხეილ სააკაშვილმა საქალაქო სასამართლოში მიმდინარე პროცესზე დისტანციურად ჩართვისას, განაცხადა, რომ საქართველოს პრეზიდენტს, სალომე ზურაბიშვილს მისი შეწყალებით ქვეყანაში პოლიტიკური ბალანსის აღდგენა და "ერთი ხელის მოწერით შვილებისთის მამის დაბრუნება" შეუძლია.

ავტორი: ექსპრესნიუსი,

სოციალური ქსელები

პაპისგან ფილტვის კვანძის ამოღების ოპერაცია წარმატებით დასრულდა

Reuters: აფეთქებები მოხდა Saudi Aramco-ს შტაბ-ბინის ტერიტორიაზე

Axios: ისრაელი და აშშ, უთანხმოების მიუხედავად, ირანთან ომის შესაძლო განახლებისთვის ემზადებიან

Politico - აშშ-მ უამინდობის გამო სისტემური გაუმართაობის გამო უკრაინა სარაკეტო დარტყმის შესახებ არ გააფრთხილა