2023-11-14 13:41:24, 578 ნახვა
პოლიტიკა
კალაძე - საქართველომ ყველაფერი უნდა გააკეთოს, რომ ჩინეთთან პარტნიორობა გააღრმაოს
საქართველომ ყველაფერი უნდა გააკეთოს, რომ ჩინეთთან პარტნიორობა გააღრმაოს, - ასე ეხმაურება დედაქალაქის მერი კახა კალაძე საქართველოს პრეზიდენტის, სალომე ზურაბიშვილის LCI-სთვის მიცემულ ინტერვიუს.
კალაძის თქმით, სალომე ზურაბიშვილთან დაკავშირებით პოლემიკაში არ შევა.
„ქალბატონ სალომესთან დაკავშირებით არ მინდა პოლემიკაში შევიდე, ადამიანთან, რომელიც კონსტიტუციას პირველი უნდა იცავდეს და სამწუხაროდ, მას არღვევს. საქართველომ ყველაფერი უნდა გააკეთოს, რომ შეინარჩუნოს და უფრო საინტერესო გახადოს ჩინეთთან ურთიერთობები. ჩვენ ვუფრთხილდებით ამგვარ ურთიერთობებს. დიდი რესურსი არის ამ მიმართულებით და ყველაფერი უნდა გამოვიყენოთ, რომ ეს პარტნიორობა მეტად გაღრმავდეს“, - განაცხადა კალაძემ.
ავტორი: NS (სტატია დაფინანსებულია),
epn.ge (@expressnews.ge)
