დიდი ბრიტანეთის პრემიერ-მინისტრმა, რიში სუნაკმა ყოფილი პრემიერ-მინისტრი დევიდ კამერონი საგარეო საქმეთა მინისტრად დანიშნა. 

ამის შესახებ ინფორმაციას BBC ავრცელებს.

"მიუხედავად იმისა, რომ ბოლო შვიდი წლის განმავლობაში წინა ხაზზე ვიყავი, იმედი მაქვს, რომ ჩემი გამოცდილება - როგორც კონსერვატიული ლიდერი თერთმეტი წლის განმავლობაში და პრემიერ-მინისტრი ექვსი წლის განმავლობაში - დამეხმარება პრემიერ-მინისტრის დახმარებაში",- დაწერა კამერონმა სოციალურ ქსელში.

კამერონის საგარეო უწყების ხელმძღვანელად დანიშვნას გამოეხმაურა დიდი ბრიტანეთის ყოფილი პრემიერ-მინისტრი ტერეზა მეი.

„მისი უზარმაზარი გამოცდილება საერთაშორისო ასპარეზზე ფასდაუდებელი იქნება ჩვენს სამყაროში დიდი გაურკვევლობის დროს“,- წერს მეი სოციალურ ქსელში.

ცნობისთვის, დიდი ბრიტანეთის ყოფილმა პრემიერ-მინისტრმა, დევიდ კამერონმა საგარეო საქმეთა მინისტრის თანამდებობაზე შეცვალა ჯეიმს კლევერლი, რომელიც შინაგან საქმეთა მინისტრად დაინიშნა.

შს მინისტრის პოსტი ვაკანტური მას შემდეგ დარჩა, რაც პრემიერ-მინისტრმა, რიში სუნაკმა სუელა ბრავერმანი თანამდებობიდან მოხსნა.

დევიდ კამერონი გაერთიანებული სამეფოს პრემიერ-მინისტრი 2010-2016 წლებში იყო. მან თანამდებობა "ბრექსიტის" რეფერენდუმის შემდეგ დატოვა. კამერონი ბრიტანეთის ევროკავშირში დარჩენას ემხრობოდა, თუმცა რეფერენდუმზე მხარი ქვეყნის EU-დან გასვლას დაუჭირეს.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს