უკრაინის შეიარაღებული ძალების მთავარსარდლის, ვალერი ზალუჟნის თანაშემწის დაღუპვასთან დაკავშირებით, ბრალი წარუდგინეს მის კოლეგას, ოლეგ ტიმჩენკოს, რომელმაც გენადი ჩასტიაკოვს ხელყუმბარა აჩუქა. ამის შესახებ ინფორმაციას უკრაინული მედია ავრცელებს.

მედიის ცნობით, ტიმჩენკოს ბრალი ასაფეთქებელი მოწყობილობის ნებართვის გარეშე შეძენის, შენახვისა და ტარების მუხლით (უკრაინის სისხლის სამართლის კოდექსის 263-ე მუხლის 1-ელი ნაწილი) წარედგინა. 

„დადგინდა, რომ ოფიცერმა უნებართვოდ შეიძინა 8 ცალი უნივერსალური ხელყუმბარა და მიიტანა სამუშაო კაბინეტში. შემდეგ 6 ხელყუმბარა ხის სასაჩუქრე ყუთში ალკოჰოლურ სასმელთან ერთად ჩადო და გენადი ჩასტიაკოვს დაბედების დღეზე აჩუქა. ტიმჩენკო კიდევ 2 ხელყუმბარას ინახავდა სამუშაო კაბინეტის კარადაში, საიდანაც ისინი სამართალდამცავი ორგანოების თანამშრომლებმა ამოიღეს“,- აღნიშნულია უკრაინის სახელმწიფო საგამოძიებო ბიუროს განცხადებაში.

ზალუჟნის პირველ თანაშემწეს, ოლეგ ტიმჩენკოს, დანაშაულის დამტკიცების შემთხვევაში, 7 წლამდე პატიმრობა ემუქრება.

შეგახსენებთ, 6 ნოემბერს, ცნობილი გახდა, რომ უკრაინის შეიარაღებული ძალების მთავარსარდლის, ვალერი ზალუჟნის თანაშემწე გენადი ჩასტიაკოვი საკუთარ სახლში აფეთქების შედეგად დაიღუპა. ასევე დაშავდა მისი 13 წლის ვაჟი, რომელიც მძიმე დაზიანებებით საავადმყოფოში გადაიყვანეს. გარდაცვლილი ჩასტიაკოვის მეუღლემ განაცხადა, რომ ხელყუმბარა, რომელიც ჩასტიაკოვს ხელში აუფეთქდა, სასაჩუქრე ყუთში იყო მოთავსებული.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს