დიდი ბრიტანეთის ყოფილი პრემიერ-მინისტრი ბორის ჯონსონი ისრაელს ეწვია და ქვეყნის სამხრეთში მდებარე დასახლებები მოინახულა. ამის შესახებ ინფორმაციას The Times of Israel-ი ავრცელებს.

გამოცემის ცნობით, ჯონსონი იმყოფებოდა კიბუც კფარ აზაში, სადაც 7 ოქტომბერს, ღაზას სექტორიდან შეჭრილმა "ჰამასის" წევრებმა, დაახლოებით, 100 ადგილობრივი მცხოვრები მოკლეს.

როგორც ჯონსონმა ჟურნალისტებთან საუბრისას განაცხადა, ის, რაც მან კფარ აზაში ნახა, "საშინელი" იყო.

"ხალხმა უნდა იცოდეს "ჰამასის“ ტერორისტების ველურობის, სადიზმის შესახებ. რა თქმა უნდა, სწორია, რომ ისრაელმა გადადგას აუცილებელი ნაბიჯები ამის თავიდან ასაცილებლად“,- აღნიშნა ჯონსონმა.

კითხვაზე, რომელიც ცეცხლის შეწყვეტის მოწოდებებს შეეხებოდა, ჯონსონმა პასუხად თქვა, რომ საერთაშორისო საზოგადოებას არ ევალება, ისრაელს უთხრას, როგორ მოიქცეს.

"როცა 240 მძევალია, როცა ამ მასშტაბის დანაშაულია ჩადენილი და როცა არსებობს ამის განმეორების შესაძლებლობა, არ მგონია, რომ მსოფლიოს საქმეა, ისრაელს უთხრას, შეწყვიტოს“,- თქვა ყოფილმა პრემიერ-მინისტრმა.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს