გერმანიის საგარეო საქმეთა მინისტრი ანალენა ბერბოკი სომხეთსა და აზერბაიჯანს ეწვევა. აღნიშნულის შესახებ ინფორმაციას გერმანიის საგარეო საქმეთა სამინისტროს პრესსპიკერი ავრცელებს.

მისი თქმით, ბერბოკი 3 ნოემბერს, ერევანში ჩავა, სადაც სომხეთის საგარეო საქმეთა მინისტრს შეხვდება. ის ასევე ეწვევა ევროპის სამოქალაქო სადამკვირვებლო მისიას და მთიანი ყარაბაღიდან ლტოლვილების მიმღებ ცენტრს. 

პრესსპიკერის ინფორმაციით, ბერბოკი 4 ნოემბერს, ბაქოში ჩავა და აზერბაიჯანის საგარეო საქმეთა მინისტრს, აზერბაიჯანის სამოქალაქო საზოგადოების წარმომადგენლებსა და გაეროს კოორდინატორს შეხვდება.

"გერმანია მხარს უჭერს გრძელვადიან მშვიდობას. რეგიონში ნდობისა და შერიგების გამყარებას გადამწყვეტი მნიშვნელობა აქვს. მიზანი არის ყოვლისმომცველი მშვიდობიანი გადაწყვეტა, რათა სომხებმა და აზერბაიჯანელებმა მშვიდობიანად და უსაფრთხოდ იცხოვრონ თავიანთი სახელმწიფოების საზღვრებში", - განაცხადა გერმანიის საგარეო საქმეთა სამინისტროს პრესსპიკერმა.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის