ტერორისტული დაჯგუფება "ჰამასის" მებრძოლების მიერ მუსიკალური ფესტივალიდან გატაცებული და ტყვედ აყვანილი შანი ლუკის გარდაცვალება დადასტურდა. ამის შესახებ განცხადებას ისრაელის საგარეო საქმეთა სამინისტრო Twitter-ზე ავრცელებს.

ისრაელის საგარეო უწყების ცნობით, შანი ლუკი "ჰამასმა" მუსიკალური ფესტივალიდან გატაცების შემდეგ აწამა და მისი სხეული ქალაქში ჩამოატარა. 

"განადგურებულები ვართ გაგიზიაროთ, რომ დადასტურდა 23 წლის გერმანელ-ისრაელელი შანი ლუკის გარდაცვალება. "ჰამასის" ტერორისტებმა შანი მუსიკალური ფესტივალიდან გაიტაცეს, ღაზაში აწამეს და მისი სხეული ქალაქში ჩამოატარეს. მან გაუგონარი საშინელებები განიცადა. ჩვენი გული გატეხილია. კურთხეული იყოს მისი ხსოვნა", - აღნიშნულია განცხადებაში.

შანი ლუკის გარდაცვალებას ასევე ადასტურებს გოგონას დედაც.

"სამწუხაროდ, ჩვენ გუშინ შევიტყვეთ, რომ ჩემი ქალიშვილი ცოცხალი აღარაა", - განუცხადა შანი ლუკის დედამ, რიკარდა ლუკიმ გერმანულ გამოცემა RTL-ს. 

როგორც გამოცემა წერს, რიკარდა ლუკიმ ქალიშვილი "ჰამასის" მიერ გავრცელებულ ვიდეოებში ტატუებით ამოიცნო. 

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის