მე არავის კადრი არა ვარ საკუთარი თავის გარდა, - ამის შესახებ "მთავარი არხის" დამფუძნებელმა, ნიკა გვარამიამ საქართველოს მესამე პრეზიდენტთან, მიხეილ სააკაშვილთან შეხვედრის შემდეგ განაცხადა.

გვარამიას თქმით მას თავისი გეგმები აქვს და "ბევრის გაკეთებას აპირებს", თუმცა მის გეგმებში ბორდის თავმჯდომარეობა არ შედის. 

"მე საერთოდ წარმოდგენა არ მაქვს, რაზეა ლაპარაკი. მე არ ვიცი რა არის ბორდი, და, შესაბამისად, მისი თავმჯდომარე ვერ ვიქნები და არც ვიქნები. რაც შეეხება კადრს, კარგია, რომ "ფორმულა" მისვამს შეკითხვას კეზერაშვილზე, ეს გამბედაობა სწორია, მე არავის კადრი არა ვარ საკუთარი თავის გარდა. რაც შეეხება დათოსთან ჩემს დამოკიდებულებებს, მეგობრებს, რაც არ უნდა ხდებოდეს მათ ცხოვრებაში, მათ შორის, პოლიტიკური შეხედულებები დაახლოვდება თუ დაშორდება ერთმანეთს, მეგობრებს არ ივიწყებენ და მათზე უარს არ ამბობენ. ეს არის ჩემი დამოკიდებულება დათოსთან დაკავშირებით. ეს ვუთხარი "რუსთავი 2"-ს, ბევრი რამე ვუთხარი გუშინ, სხვათაშორის, და არაფერი არ გაუშვიათ. მე მგონია, რომ ეს დაპირისპირება უნდა მოგვარდეს. ამის იქით მე პოზიცია არ მაქვს, რეცეპტებს არ ვფლობ.

მხარეებმა უნდა გამონახონ ძალა და წყენებზე მაღლა დადგნენ. მესმის, რომ ჭრილობები არსებობს და ყველა მხარეს თავისი სიმართლე მოჰყავს - მე მგონია, რომ სიმართლე ერთია ამ ქვეყანაში. რუსები უნდა დამარცხდნენ და დასავლეთმა უნდა გაიმარჯვოს. საამისოდ, ამ პარტიამ, განსაკუთრებით, როგორც ყველაზე დიდმა ოპოზიციურმა პარტიამ, ყველაფერი უნდა გააკეთოს... ჩემი გეგმებიც უკავშირდება რუსების დამარცხებას საქართველოში და პროდასავლური მიმართულების გამარჯვებას. რა ფორმით და როგორ, ეს სხვა საკითხია. ჩემი გეგმები მაქვს, ბევრის გაკეთებას ვაპირებ, მათ შორის ბორდის თავმჯდომარეობა ნამდვილად არ შედის, საერთოდ არ ვიცი ეს რა არის და რაზეა ლაპარაკი", - ამბობს ნიკა გვარამია.

ავტორი: ექსპრესნიუსი,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით