გერმანიამ გამოაცხადა უკრაინის სამხედრო დახმარების ახალი პაკეტი. მისი მოცულობა 400 მილიონი ევროა. უკრაინა მიიღებს Gepard ტანკებს, IRIS-T საზენიტო-სარაკეტო სისტემებს და 200 MRAP-ის ჯავშანმანქანას ნაღმების ველებთან საბრძოლველად. დახმარების პაკეტში ასევე შედის საბრძოლო მასალა 155 მმ-იანი საარტილერიო სისტემებისთვის, ნაღმტყორცნების საბრძოლო მასალა და AT-2 ნაღმების რაკეტები დისტანციურად განლაგებული ნაღმებისთვის.

გარდა ამისა, ზამთრის აღჭურვილობა, უკვე მიწოდებული სისტემების სათადარიგო ნაწილების ნაკრები, მანქანები და 50 ზედაპირული დრონი გადაეცემა უკრაინას.

გერმანია ასევე გააგრძელებს უკრაინელი სამხედროების მომზადებას. „სავარაუდოა, რომ წლის ბოლომდე სულ 10 ათასი უკრაინელი სამხედრო მოსამსახურე გაივლის. ამჟამად ძირითადი აქცენტი კეთდება ქვედა ტაქტიკური დონის ხელმძღვანელობის, ანუ ჯგუფის, ოცეულის და ასეულის მეთაურების მომზადებაზე“, - ნათქვამია გერმანიის თავდაცვის სამინისტროს განცხადებაში.

გადაწყვეტილება დახმარების ახალ პაკეტზე რამშტეინის ფორმატში მე-15 შეხვედრის შედეგების შემდეგ მიიღეს. ამ დროისთვის გერმანია ევროპაში პირველ ადგილზეა, ხოლო მსოფლიოში მეორე ადგილზე შეერთებული შტატების შემდეგ უკრაინას დახმარების მხრივ.

ავტორი: ექსპრესნიუსი,

სოციალური ქსელები

2027 წლიდან პრეზიდენტის, პრემიერისა და პარლამენტის თავმჯდომარის წლიური ანაზღაურება 208 200 ლარი იქნება

Axios: რუბიომ მოითხოვა ირანის დელეგაციის დაუყოვნებლივ გამგზავრება აშშ-დან

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად