გაეროს გენერალური მდივნის, ანტონიო გუტერიშის განცხადებით, მომავალ კვირას უკრაინის პრეზიდენტს, ვოლოდიმირ ზელენსკის, თურქეთის პრეზიდენტს, რეჯეფ თაიფ ერდოღანსა და რუსეთის საგარეო საქმეთა მინისტრს, სერგეი ლავროვს მიიღებს და მათთან "შავი ზღვის მარცვლეულის" ინიციატივასა და უკრაინული პროდუქციის ექსპორტის აღდგენაზე იმსჯელებს. 

გუტერიშის თქმით, მზად არის, ყველაფერი გააკეთოს იმისთვის, რომ "შავი ზღვის მარცვლეულის" ინიციატივა და უკრაინული პროდუქციის ექსპორტი აღდგეს.

"იმაზე საუბარს, ოპტიმისტურად თუ პესიმისტურად ვარ განწყობილი, არ ვაპირებ, მაგრამ გარწმუნებთ, რომ კვლავინდებურად მზად ვარ, ყველაფერი გავაკეთო იმისთვის, რომ "შავი ზღვის მარცვლეულის" ინიციატივა და უკრაინული პროდუქციის ექსპორტი აღდგეს. ჩვენ ასევე გავაგრძელებთ მუშაობას რუსული აგროპროდუქციის და სასუქის ექსპორტის შემსუბუქებისთვის სასანქციო რეჟიმის ფარგლებში",- განაცხადა გუტერეშმა.

შეგახსენებთ, მიმდინარე წლის 17 ივლისს, რუსეთმა „შავი ზღვის მარცვლეულის შეთანხმება“ შეაჩერა.

აღსანიშნავია, რომ "მარცვლეულის შეთანხმება" გასულ წელს თურქეთისა და გაეროს შუამავლობით გაფორმდა.

ავტორი: ექსპრესნიუსი,

სოციალური ქსელები

რუსეთმა სამხედრო ბიუჯეტის დასაფინანსებლად 1998 წლის შემდეგ ყველაზე დიდი ოქროს მარაგის გაყიდვა განახორციელა.

საფრანგეთში არეულობის შედეგად მიყენებულმა ზარალმა 1 მილიარდ ევროს გადააჭარბა

WSJ: ილონ მასკმა უკრაინელი სამხედროებისთვის Starlink-ის შენელების ბრძანება გასცა

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია