2023-09-11 21:47:44, 863 ნახვა
მსოფლიო
ნატოს გენერალური მდივნის მოადგილე - ალიანსი ვერ ხედავს იმის ნიშნებს, რომ რუსეთი ალიანსის წევრ ქვეყანაზე თავდასხმას აპირებს
ალიანსი ვერ ხედავს იმის ნიშნებს, რომ რუსეთი ალიანსის წევრ ქვეყანაზე თავდასხმას აპირებს, - ამის შესახებ ნატოს გენერალური მდივნის მოადგილემ, მირჩა ჯოანამ განაცხადა.
მისივე თქმით, რუმინეთისთვის არანაირი რისკი არ არსებობს, რომ იგი რუსეთთან კონფლიქტში იქნება ჩათრეული ან რომ კონფლიქტი რუმინეთშიც გავრცელდება.
„არ არსებობს იმის ნიშნები, რომ რუსეთი ნატოს წევრ სახელმწიფოზე თავდასხმას აპირებს, იქნება ეს რუმინეთი თუ რომელიმე სხვა სახელმწიფო. ეს ალიანსის სიძლიერის შედეგია. ჩვენ ვართ შეკავების პირველი ელემენტი“, - აღნიშნა ნატოს გენერალური მდივნის მოადგილემ.
ავტორი: ექსპრესნიუსი,
epn.ge (@expressnews.ge)
