როლანდ ბერიძე, პირველ მოადგილესთან და ადმინისტრაციული ერთეულის წარმომადგენელთან ერთად სოფელი ორცვა-არსენაულის მაგისტრალის სამშენებლო სამუშაოებს გაეცნო

2023-09-07 12:44:02, 940 ნახვა

რეგიონი

ქედის მუნიციპალიტეტის მერი როლანდ ბერიძე, პირველ მოადგილესთან იმედა ვასაძესთან და ადმინისტრაციული ერთეულის წარმომადგენელთან ერთად სოფელი ორცვა-არსენაულის მაგისტრალის სამშენებლო სამუშაოებს გაეცნო. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

მათი ცნობით, მიმდინარე წელს სასმელი და სარწყავი წყლის სისტემების მშენებლობა-რეაბილიტაციისთვის ბიუჯეტიდან 1 017 205 ლარი გამოიყო.

"ამ ეტაპზე სამშენებლო და სარეაბილიტაციო სამუშაოები მიმდინარეობს:

სოფელი ორცვა-არსენაულის მაგისტრალის მშენებლობა, რომლის ფარგლებშიც მიმდინარეობს წყლის ავზების, სათავე ნაგებობების და მაგისტრალური მილის მოწყობა;
დანდალოს ადმინისტრაციულ ერთეულში სოფელ გორგივლი-მოსიაშვილების სასმელი წყლის სისტემის, სათავე-ნაგებობების და ავზების მოწყობა;
წონისრისის ადმინისტრაციულ ერთეულში სხვადასხვა უბანში მიმდინარეობს წყალმომარაგების ავზების მოწყობა;
დანდალოს ადმინისტრაციულ ერთეულში სოფელი ხარაულის საბავშვო ბაღში მიმდინარეობს ახალი სასმელი წყლის სისტემის მოწყობა;
მერისის ადმინისტრაციულ ერთეულში, სოფელ მერისში საკანდელიძეების უბანში მიმდინარეობს სარწყავი წყლის სისტემის მოწყობა;
მერისის ადმინისტრაციულ ერთეულში, სილიბაურის უბანში და კაკაბაძეების დასახლებაში მიმდინარეობს წყალმომარაგებისა და გამანაწილებელი ავზების მოწყობა.

სასმელი და სარწყავი წყლის სისტემების სამშენებლო სამუშაოები ნოემბრის ბოლოს დასრულდება",- აღნიშნულია ინფორმაციაში.

ავტორი: NS (სტატია დაფინანსებულია),