სარჯველაძე - იმდენად ღრმა პოლარიზაციაა “ნაცმოძრაობაში”, რომ ცალკეული დაჯგუფებების მთავარი ამოცანაა საკუთარი პოზიციები განამტკიცონ პარტიის შიგნით

2023-07-22 16:56:41, 1108 ნახვა

პოლიტიკა

იმდენად ღრმა პოლარიზაციაა თავად “ნაციონალური მოძრაობის” შიგნით, რომ ცალკეული დაჯგუფებების მთავარი ამოცანაა, საკუთარი პოზიციები განამტკიცონ თავად პარტიის შიგნით,- ამის შესახებ საპარლამენტო უმრავლესობის დეპუტატმა, მიხეილ სარჯველაძემ განაცხადა.

სარჯველაძის თქმით, “ნაცმოძრაობაში” არსებული დაპირისპირებული მხარეები ცდილობენ, ისეთი მოთამაშეები შეიყვანონ პარტიაში, რომელიც მათ პოზიციებს გააძლიერებს. ხოლო თავად “ნაციონალურ მოძრაობაში” მიმდინარე პროცესები მიუთითებს, რომ პარტიას პრობლემები აქვს.

“რასაკვირველია, ყველა ცდილობს, ისეთი ახალი მოთამაშეები შემოყვანონ პარტიაში, რომელიც გააძლიერებს მათ ფლანგს. ალბათ ეს უნდა იყოს მთავარი მოტივატორი ხაბეიშვილის ფლანგის მხრიდან ვაშაძეზე ფსონის გაკეთების; იმავდროულად, ეს ნიშნავს იმას, რომ არის კონკურენტი ფლანგის დასუსტების მცდელობა. თუმცა, ეს არ არის ქართული პოლიტიკისთვის მთავარი აქტუალური საკითხი, ეს არის მათი ვიწრო პარტიული თემატიკა და იმის თვალსაჩინო მაგალითი, დასტური, რომ “ნაციონალურ მოძრაობას” სერიოზული პრობლემები აქვს. ეს არის ისეთი ბალასტი, რომელიც არ გაუშვებს დიდი წარმატებოსკენ ამ პოლიტიკურ პარტიას”- განაცხადა სარჯველაძემ.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),