საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი საქართველოში უკრაინის საგანგებო და სრულუფლებიან ელჩს ვასილი ციბენკოს შეხვდა . 

როგორც "ექსპრესნიუსს" დევნილთა სამინისტროდან აცნობეს, 2014 წელს უკრაინის აღმოსავლეთ ნაწილში, დონეცკისა და ლუგანსკის ოლქებში კონფლიქტის ესკალაციის შემდეგ საქართველოს თავშესაფრის თხოვნით უკრაინის 436 მოქალაქემ მიმართა, რომელთაგან 42 პირის საქმის წარმოება პირადი განცხადების საფუძველზე, ხოლო 35 პირის საქმე გამოუცხადებლობის გამო შეწყდა.
სამინისტროს ცნობით, ამჟამად, სამინისტრო განიხილავს 359 პირისთვის თავშესაფრის მინიჭების საკითხს. მათგან 207 პირი ეთნიკურად უკრაინელია, 32 - ეთნიკურად რუსი, 23 პირი სხვადასხვა ეთნიკური კუთვნილებისაა, ხოლო 97 - ეთნიკურად ქართველია.
მინისტრმა ელჩს განუმარტა, რომ ეთნიკური ქართველების უმრავლესობა საქართველოს ყოფილ მოქალაქეებს წარმოადგენენ და აქვთ ნათესაური კავშირი საქართველოს მოქალაქეებთან, რაც ქვეყნის კანონმდებლობის შესაბამისად მუდმივი ბინადრობის ნებართვის მოპოვების საფუძველია.
მინისტრმა  აღნიშნა, რომ სამინისტრომ შეიმუშავა ერთიანი მიდგომა და უკრაინის მოქალაქე თავშესაფრის მაძიებელ პირთათვის თავშესაფრის მინიჭებასთან დაკავშირებული გადაწყვეტილებები უმოკლეს ვადებში მიიღება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.