19:17 - 29 Mar, 2024
რეკლამა/ხელმოწერა
2023-05-28 21:37:37, 624 ნახვა

მსოფლიო
ერდოღანმა გაიმარჯვა - თურქეთის საპრეზიდენტო არჩევნების მეორე ტურში დათვლილია ხმების 98%-ზე მეტი

თურქეთში საპრეზიდენტო არჩევნების მეორე ტურის ხმების წინასწარი დათვლა მიმდინარეობს. ახლა დათვლილია ბიულეტენების 98%-ზე მეტი.

თურქეთის მოქმედმა პრეზიდენტმა რეჯეფ თაიფ ერდოღანმა მიიღო ხმების 52,11%, ხოლო მისმა ოპონენტმა, ოპოზიციის ლიდერმა ქემალ კილიჩდაროღლუმ 47,89% მიიღო სახელმწიფო საინფორმაციო სააგენტო Anadolu-ს მიერ გამოქვეყნებული ხმების წინასწარი დათვლის შედეგების მიხედვით.

ამასთან, ოპოზიციური ტელეკომპანია Halk-ის მიერ გამოქვეყნებული წინასწარი გაანგარიშების შედეგების მიხედვით, ერდოღანი იღებს მხარდაჭერის 52,01%-ს, ხოლო კილიჩდაროღლუს - 47,99%-ს.

აღსანიშნავია, რომ ხმების 70%-იანი წინასწარი დათვლის შემდეგ ტელეკომპანია Halk TV-მა გაავრცელა ინფორმაცია, რომ ქილიჩდაროღლუ ლიდერობდა.

თურქეთის საპრეზიდენტო არჩევნების მეორე ტურში კენჭისყრა დასრულებულია - ხმის მიცემა ადგილობრივი დროით 17:00 საათზე შეწყდა და საარჩევნო უბნები დაიხურა. მოქალაქეებმა არჩევანი ორ კანდიდატს - მოქმედ პრეზიდენტ რეჯეფ თაიფ ერდოღანსა და 6 ოპოზიციური პარტიის საერთო კანდიდატს, ქემალ ქილიჩდაროღლუს შორის გააკეთეს. 

შეგახსენებთ, თურქეთში საპრეზიდენტო არჩევნების მეორე ტურის გამართვის საკითხი დღის წესრიგში მას შემდეგ დადგა, რაც 14 მაისს გამართულ არჩევნებში პრეზიდენტობის ვერც ერთმა კანდიდატმა ხმების 50%-ზე მეტი ვერ მიიღო.

პირველი ტურის შედეგების მიხედვით, რეჯეფ თაიფ ერდოღანმა ხმების 49,52%, ქემალ ქილიჩდაროღლუმ 44,88%, ხოლო სინან ოღანმა 5.17% მოიპოვა.

აღსანიშნავია, რომ მესამე ადგილზე გასულმა სინან ოღანმა რამდენიმე დღის წინ მეორე ტურში მხარდაჭერა მოქმედ პრეზიდენტს გამოუცხადა. 

 




ავტორი: ექსპრესნიუსი,


სოციალური ქსელები
ბერბოკი - კანცლერს არ ეშინია პუტინის - დროა, შეწყდეს დისკუსიები Taurus-ების უკრაინისთვის გადაცემაზე
პრეზიდენტი - ჩემი მოწოდებაა, ყველამ ერთად დავიწყოთ მუშაობა, რათა დიასპორას საარჩევნო უფლება მივცეთ
ე.წ. კანონიერმა ქურდმა, შაქრო კალაშოვმა საპატიმრო დატოვა
სუს-მა ქრთამის აღების ფაქტზე გადაუდებელი დახმარების ცენტრის 3 ყოფილი თანამშრომელი დააკავა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics