2023-05-02 10:16:30, 821 ნახვა

---

აშშ-ის შტატ ილინოისში მტვრის ქარიშხლის გამო ერთმანეთს 70-ზე მეტი მანქანა დაეჯახა - დაღუპულია 6 ადამიანი

ამერიკის შეერთებულ შტატებში, ილინოისში მტვრის ქარიშხლის გამო მომხდარ მასშტაბურ ავტოკატასტროფას 6 ადამიანი ემსხვერპლა, 37 პირი კი დაშავდა. აღნიშნულ ინფორმაციას CNN ავრცელებს.

როგორც ოფიციალური პირები აცხადებენ, ცენტრალურ ილინოისში, სანგამონისა და მონტგომერის ოლქების დამაკავშირებელ მთავარ გზატკეცილზე, დაბალი ხილვადობის გამო, საგზაო კატასტროფაში 70-ზე მეტი ავტომანქანა მოჰყვა. 

ილინოისის შტატის პოლიციის მაიორმა, რაიან სტარიკმა თქვა, რომ დაშავებულთა ასაკი 2-დან 80 წლამდეა. ისინი კლინიკაში გადაიყვანეს, მათგან რამდენიმეს სიცოცხლისთვის საშიში დაზიანებები აღენიშნება.

რაც შეეხება დაღუპულებს, დაღუპულთაგან ერთი 88 წლის კაცი იყო, დანარჩენი 5-ის იდენტიფიცირებაზე კი, პოლიცია ამ დრომდე მუშაობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი