პრესტიჟული  ბრიტანული ონლაინ გამოცემა INDEPENDENT-ი ბათუმს ზაფხულის  10 საუკეთესო ტურისტულ მიმართულებას შორის ასახელებს - ამის შესახებ განაცხადა აჭარის მთავრობის თავმჯდომარე თორნიკე რიჟვაძემ მთავრობის სხდომაზე.

აჭარის მთავრობის ცნობით „10 შთამაგონებელი იდეა აქტიური მოგზაურებისთვის" - ამ სათაურით გამოქვეყნებულ სტატიაში, მაღალრეიტინგული ონლაინგამოცემა INDEPENDENT აქტიურ მოგზაურებს ურჩევს სხვა ევროპულ ქვეყნებთან ერთად ზაფხული ბათუმში გაატარონ. ევროპული ქვეყნების ჩამონათვალში საფრანგეთის, პორტუგალიის, ესპანეთის, ხორვატიისა და  შვეიცარიის გვერდით ბათუმი მეორე ადგილს იკავებს.

"აჭარის მთავრობის სხდომაზე თორნიკე რიჟვაძემ ყურადღება გაამახვილა ტურიზმის დადებით დინამიკაზე, 2019 წელთან შედარებით. მისი განცხადებით, გაზრდილია ვიზიტები ბათუმის საერთაშორისო აეროპორტში და ზრდა შეადგენს 53%-ს ასევე, გასულ 2022 წელთან შედარებით ზრდა არის 17%-ზე მეტი.

მთავრობის თავმჯდომარემ ისაუბრა „World Travel Awards"-ის ევროპის დაჯილდოების ცერემონიაზე, რომელსაც ბათუმი მიმდინარე წლის 30 სექტემბერს უმასპინძლებს",- აღნიშნულია ინფორმაციაში.

მსოფლიოში ტურიზმის ოსკარის სახელით ცნობილი ღონისძიების ევროპის გალა ცერემონიას ბათუმში მსოფლიოს სხვადასხვა ქვეყნიდან ტურიზმის ინდუსტრიის წამყვანი კომპანიების, სასტუმროების, ტურსააგენტოების, ბიზნეს და სახელმწიფო ორგანიზაციები, ასევე საერთაშორისო მედიის 300-ზე მეტი წარმომადგენელი დაესწრება.

უნდა აღინიშნოს, რომ გასულ წელს, ბათუმმა World Travel Awards-ის პრესტიჟული ჯილდო, როგორც ევროპის და შემდეგ უკვე, როგორც მსოფლიოს სწრაფად მზარდმა ტურისტულმა მიმართულებამ მოიპოვა.

მთავრობის სხდომაზე თორნიკე რიჟვაძემ ეკონომიკური ტენდენციები შეაფასა. მისი განცხადებით აჭარის ავტონომიური რესპუბლიკის ბიუჯეტი პირველ კვარტალში გადაჭარბებით 120%-ით შესრულდა, რაც არის 20% იანი ზრდა, შესაბამასიდ, გაზრდილია საგადასახადო შემოსავლები ყველა  მიმართულებით, რაც მიუთითებს დადებით დინამიკაზე, რომელიც აისახება როგორც ბიზნესის, ასევე სამუშაო ადგილების ზრდაზე.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს