„იური ვაზაგაშვილის საქმის გახსნას საფუძვლად მკვლელის შეცდომა დაედო“, – ამის შესახებ მთავარი პროკურორის მოადგილემ ირაკლი შოთაძემ ჟურნალისტებს განუცხადა.

მისივე ინფორმაციით, ხელყუმბარის ნაწილზე ე.წ. ფალიის სახელურზე იზოლენტის გადაკვრის კვალი აღინიშნება.

შოთაძის თქმით, სწორედ ამ ე.წ. იზოლენტის წებოვანმა გარსმა უზრუნველყო, რომ მასზე დნმ–ის კვალი დარჩა.

 „ამ სახელურზე შეინიშნება ე.წ. იზოლენტის გადაკვრის კვალი, ანუ ერთი მხარე არის წებოვანი. სწორედ იზოლენტის წებოვანმა გარსმა უზრუნველყო ის, რომ ამ სახელურზე დარჩა დნმ–ის კვალი. ეს არის მკვლელის შეცდომა, რომლითაც ჩვენ, დასამალი არ არის და გაგვიმართლა. ასეთი გამართლება ბევრ საქმეზე არ ხდება. ამ სახელურზე აღმოჩნდა დნმ–ის კვალი. რომელიც საფუძვლად დაედო იმას, რომ ჩვენ გავხსენით ეს საქმე და ვიცით უშუალოდ ის პიროვნება, რომელმაც უშუალოდ იური ვაზაგაშვილი მოკლა“, – აღნიშნა შოთაძემ. 

ცნობისთვის, პროკურატურამ დღეს იური ვაზაგაშვილის მკვლელობაში ბრალდებული, პოლიციის რიგითი თანამშრომელი გია სოსანაშვილი დააკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში

CashBack-ის და VISA-ს საზაფხულო შეთავაზება ლიბერთის მომხმარებლებისთვის

მოემზადეთ ზაფხულისთვის - ნახეთ, სად შეგიძლიათ ისარგებლოთ საქართველოს ბანკის ნაწილ-ნაწილ გადახდით

კობახიძე: ფოთში საფუძველს ვუყრით ახალი ნავმისადგომის მშენებლობას, უმნიშვნელოვანესია