უკრაინის პრეზიდენტი ვოლოდიმირ ზელენსკი რუსეთის ფედერაციის პრეზიდენტის, ვლადიმერ პუტინის დაკავების ორდერს "გარდამტეხ მომენტს" უწოდებს. 

როგორც სახელმწიფოს მეთაურმა ტრადიციულ ვიდეომიმართვაში აღნიშნა, რუსეთს უკრაინისთვის მიყენებულ ყოველ დარტყმაზე, ყველა დეპორტირებულ უკრაინელ ბავშვსა და მსოფლიოს დესტაბილიზაციის ყველა გამოვლინებაზე პასუხისმგებლობა დაეკისრება.

„ბოროტი სახელმწიფოსგან ჩვენი თავდაცვის კიდევ ერთი კვირა დასრულდა. კიდევ ერთი კვირა, როდესაც ყოველდღე და ყოველ ღამეს რუსული არმია ბომბავდა უკრაინის ქალაქებს, სოფლებს, ხოცავდა ჩვენს ხალხს. კამენსკოე ზაპოროჟიეს რეგიონში, ბერისლავი ხერსონის ოლქში, მანგანუმი დნეპროპეტროვსკის ოლქში, ავდეევკა, კრამატორსკი, კონსტანტინოვკა დონეცკის ოლქში, კონსტანტინოვკა სუმის რეგიონში. და კიდევ უკრაინის ათობით ქალაქი და სოფელი, რომლებიც ამ კვირაში რუსმა ტერორისტებმა დაბომბეს. გასულმა კვირამ საბოლოოდ მოიტანა მართლაც მნიშვნელოვანი საერთაშორისო სამართლებრივი შედეგი უკრაინისთვის, სამართლიანობისთვის. რუსეთის ლიდერის დაკავების შესახებ სისხლის სამართლის საერთაშორისო სასამართლოს ორდერი არსებობს. ეს არის გარდამტეხი მომენტი“, - ამბობს უკრაინის პრეზიდენტი.

შეგახსენებთ, ჰააგის სასამართლომ რუსეთის პრეზიდენტის, ვლადიმერ პუტინისა და ბავშვთა საქმეებში რუსეთის ფედერაციის პრეზიდენტის სრულუფლებიანი წარმომადგენლის, მარია ლვოვა-ბელოვას დაკავების ორდერები გასცა.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის