2023-03-17 15:51:44, 1427 ნახვა
ომი უკრაინაში
სლოვაკეთი უკრაინას MiG-29 საბრძოლო თვითმფრინავებს გადასცემს
პოლონეთის შემდეგ უკრაინას MiG-29 საბრძოლო თვითმფრინავებს სლოვაკეთიც გადასცემს. აღნიშნული გადაწყვეტილება სლოვაკეთის მთავრობამ მიიღო.
როგორც, სლოვაკეთის პრემიერ-მინისტრმა, ედუარდ ჰეგერსმა განაცხადა, სამხედრო თვითმფრინავები უკრაინელების დაცვას მოემსახურებიან და თავდასხმისთვის არ გამოიყენებენ.
მისივე თქმით, MiG-29-ების სანაცვლოდ, სლოვაკეთმა მოკავშირეებისგან 900 მილიონი ევროს კომპენსაცია უნდა მიიღოს.
ცნობისთვის, უკრაინისთვის MiG-29-ების გადაცემის შესახებ პოლონეთის პრეზიდენტმა, ანჯეი დუდამაც განაცხადა. მისი თქმით, 4 საბრძოლო თვითმფრინავს პოლონეთი უკრაინას უახლოეს დღეებში გადასცემს.
ავტორი: ექსპრესნიუსი,
epn.ge (@expressnews.ge)
