ირაკლი ღარიბაშვილი: ჩემთვის საამაყოა, რომ იური ვაზაგაშვილის საქმის გამოძიება ძალიან სწრაფად მოხდა

2015-02-08 15:39:41, 1073 ნახვა

სამართალი

იური ვაზაგაშვილის მკვლელობა იყო ძალიან მნიშვნელოვანი გამოწვევა ჩვენი ხელისუფლებისთვის და ის ფაქტი, რომ მოხდა ამ საქმის სწრაფი გამოძება, არის ჩემთვის საამაყო,-განაცხადა მიუნხენში მყოფმა საქართველოს პრემიერ-მინისტრმა ჟურნალისტებთან თემის კომენტირებისას.

ირაკლი ღარიბაშვილმა ვაზაგაშვილის საქმის გამოძიებასთან დაკავშირებით ინფორმაციის მიწოდებისგან თავი შეიკავა, თუმცა მადლობა გადაუხადა ყველა იმ ადამიანს, ვინც გამოძიების პროცესში იყო ჩართული.

“მე თავს შევიკავებ წინასწარ რაიმე სახის განცხადების გაკეთებისგან, რასაკვირველია მაქვს ინფორმაცია ვაზაგაშვილის საქმის გამოძიებასთან დაკავშირებით, მაგრამ მირჩევნია დაველოდოთ პროკურატურას, მათ ოფიციალურ განცხადებას და განმარტებას,”-განაცხადა პრემიერმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან